Qeveria e Kosovës investon 2.77 milionë euro për banim social në Vushtrri

Vushtrri, 25 gusht 2026 10:47

Komuna e Vushtrrisë ka siguruar 2.77 milionë euro për financimin e programeve të Banimit Social Adekuat, përmes një marrëveshjeje të nënshkruar mes kryetarit të komunës, Ferit Idrizi, dhe ministres së Mjedisit dhe Planifikimit Hapësinor, Fitore Pacolli.

Sipas Idrizit, përmes kësaj marrëveshjeje do të mundësohet ndërtimi i 34 njësive të reja të banimit social, si dhe ndërhyrje në 13 shtëpi private të familjeve të cenueshme. Prej tyre, gjashtë shtëpi do të renovohen, ndërsa shtatë të tjera do të rindërtohen.

Kryetari Idrizi e ka cilësuar këtë investim si një hap të rëndësishëm për përmirësimin e kushteve të jetesës së familjeve që kanë më së shumti nevojë për mbështetje.

“Ky investim është një hap i rëndësishëm drejt krijimit të kushteve më të mira dhe një banimi më të sigurt e dinjitoz për familjet që kanë më së shumti nevojë për mbështetje”, ka deklaruar Idrizi.