Prishtinë, 30 qershor 2026 11:09
Një alarm për mjet të dyshuar shpërthyes është raportuar mëngjesin e së martës në Stacionin e Autobusëve në Prishtinë, duke bërë që Policia e Kosovës të ndërmarrë masa të menjëhershme sigurie, por që në fund doli të jetë alarm i rrejshëm.
Zëdhënësi i Policisë për Rajonin e Prishtinës, Enis Pllana, bëri të ditur për RTKlive se rreth orës 08:00 është pranuar informata për një mjet shpërthyes në këtë zonë.
“Menjëherë policia ka ndërmarrë të gjitha masat e sigurisë në atë zonë. Në një perimetër të caktuar janë evakuuar qytetarët, ndërkohë që janë angazhuar njësitet përkatëse për trajtimin e informatës”, deklaroi Pllana.
Pas kontrolleve të detajuara të kryera nga njësitet kompetente, Pllana njoftoi se nuk është gjetur asnjë mjet apo objekt i dyshimtë.
“Informata është trajtuar nga ana e policisë. Pas kontrolleve të kryera nga njësitet kompetente, nuk është gjetur asgjë e dyshimtë. Hetuesit policorë, në koordinim me prokurorin e shtetit, kanë filluar punën për zbardhjen e të gjitha rrethanave që ndërlidhen me këtë rast, i cili është cilësuar si lajmërim i rrejshëm”, tha Pllana.
Ky është rasti i dytë brenda pak ditëve për alarm të rremë për mjet shpërthyes në Stacionin e Autobusëve.
Fehim Sali dyshohet se mblidhte informacione për vehabistë e persona të tjerë që mund t’i rekrutonte 
Rrjetet e dyshuara të spiunazhit po përballen me goditje në Kosovë 
I arrestuari për spinuazh F.S. dyshohet se bashkëpunoi me BIA-n serbe 
Associated Press shkruan për gërmimet në varrezat masive në Kalludër të Vogël 
NATO sheh përmirësim të sigurisë në Kosovë, ndryshon pozicionimin e KFOR-it 
Arrestohet një shtetas i Kosovës nën dyshimin për spiunazh 
RTK dhe KOK nënshkruajnë marrëveshje për ‘Taranto 2026’ 
Kosova ofron mbështetje për Shqipërinë dhe Malin e Zi për përballimin e zjarreve 
Arrestohet një gjyqtar në Prishtinë, dyshohet për keqpërdorim të detyrës zyrtare 
Masakra e Tivarit`, filmi që rikthen në kujtesë tragjeditë e historisë sonë