Mbi 224 milionë euro për ushtrinë, Maqedonci paralajmëron investime të reja

Prishtinë, 10 nëntor 2026 20:25

Kosova pritet të ndajë 224 milionë e 168 mijë e 705 euro për mbrojtjen gjatë vitit 2027, duke shënuar buxhetin më të lartë në historinë e Ministrisë së Mbrojtjes dhe Forcës së Sigurisë së Kosovës.

Këtë e ka bërë të ditur ministri i Mbrojtjes, Ejup Maqedonci, i cili përmes një njoftimi ka theksuar se rritja e buxhetit do të mundësojë vazhdimin e investimeve në fuqizimin dhe modernizimin e kapaciteteve ushtarake të Kosovës.

Sipas Maqedoncit, me këto mjete do të vazhdojë furnizimi i FSK-së me pajisje dhe sisteme moderne ushtarake, rritja e kapaciteteve operacionale, si dhe zhvillimi i infrastrukturës mbrojtëse.

Ai ka theksuar se ky investim përfaqëson një hap të rëndësishëm në procesin e modernizimit të Forcës së Sigurisë së Kosovës dhe forcimit të kapaciteteve mbrojtëse të vendit.

Buxheti i planifikuar për vitin 2027 tejkalon 224 milionë euro, duke vendosur një rekord të ri në financimin e sektorit të mbrojtjes