Prishtinë, 6 tetor 2026 07:11
Rusia po rrezikon jetët në Evropë përmes sulmeve hibride, përfshirë sabotimet dhe shkeljet e hapësirës ajrore, ka deklaruar shefja e politikës së jashtme të Bashkimit Evropian, Kaja Kallas.
Duke folur në Bruksel së bashku me kryeministrin moldav, Vasile Tofan, Kallas tha se në javët e fundit është shënuar rritje e sulmeve hibride dhe përpjekjeve për sabotim që i atribuohen Rusisë, raporton Reuters.
Ajo tha se raketat dhe dronët rusë kanë shkelur sërish hapësirën ajrore të Moldavisë gjatë fundjavës, duke e cilësuar këtë si të papranueshme.
Ajo tha se raketat dhe dronët rusë kanë shkelur sërish hapësirën ajrore të Moldavisë gjatë fundjavës, duke e cilësuar këtë si të papranueshme.
Më 30 shtator, Rusia ndërmori një valë të gjerë sulmesh ajrore ndaj infrastrukturës energjetike të Ukrainës. Sulmet goditën objekte energjetike dhe infrastrukturë në Kiev dhe në rajone të tjera, në një nga sulmet më të mëdha të muajve të fundit ndaj sistemit energjetik ukrainas.
Në të njëjtën ditë, Ministria e Mbrojtjes e Moldavisë njoftoi se tre dronë kishin hyrë në hapësirën ajrore të vendit.
Edhe kancelari gjerman Friedrich Merz paralajmëroi javën e kaluar për rritje të sulmeve hibride ruse ndaj Gjermanisë.
Ai tha se Berlini do të vazhdojë mbështetjen për Ukrainën, ndërsa vendi përgatitet për një dimër që pritet të jetë ndër më të vështirët që nga nisja e pushtimit rus në vitin 2022.
Autoritetet gjermane kanë paralajmëruar vazhdimisht për një fushatë hibride ruse, që sipas tyre përfshin sulme me dronë dhe sulme kibernetike. Berlini e ka akuzuar Moskën edhe për një përpjekje për sulm me dron në aeroportin e Leipzigut në muajin gusht.
Moska i ka mohuar akuzat e qeverive perëndimore dhe shërbimeve të inteligjencës se qëndron pas këtyre sulmeve.

Rusia rrit tensionet me NATO-n, Aleanca mblidhet pas incidentit në Poloni
Ukraina dyshohet për sulmin me dron ndaj anijes ruse në Gjirin e Finlandës
Tetë të vrarë nga sulmet ruse në Ukrainë, Moska shkel edhe hapësirën ajrore të Polonisë
Bordi i Paqes paralajmëron për dështimin e armëpushimit në Gaza, kritikon Izraelin dhe Hamasin
Tri fuqitë më të mëdha bërthamore në një tryezë
Trump kërcënon Iranin: Do të paguajë çmim të paparë nëse sulmon Washingtonin
Serwer: Beogradi e di se pa njohjen e Kosovës nuk ka anëtarësim në BE
Ballkani mposht Gjilanin me përmbysje
Vdekje në vendin e punës në Istog, Prokuroria nis hetimet