Prishtinë, 2 tetor 2026 07:22
Ministri i Mbrojtjes, Ejup Maqedonci, ka pritur në ë takim një grup diplomatësh evropianë dhe ekspertësh, me të cilët ka diskutuar për zhvillimet në sektorin e mbrojtjes dhe sigurisë në Kosovë dhe rajon.
Takimi u zhvillua në kuadër të iniciativës “The Enlargement Strategic Dialogues”, të organizuar nga Qendra Austro-Franceze për Afrimin në Evropë, me mbështetjen e “Open Society Foundations”.
Maqedonci ka bërë të ditur se gjatë takimit është diskutuar për zhvillimin e kapaciteteve të Ministrisë së Mbrojtjes dhe Forcës së Sigurisë së Kosovës, si dhe për situatën e sigurisë në rajon dhe më gjerë.
Ministri tha se me pjesëmarrësit ka ndarë këndvështrimin e Kosovës për kërcënimet hibride dhe sfidat e sigurisë, duke theksuar masat që institucionet kosovare po ndërmarrin në bashkëpunim me partnerët ndërkombëtarë.
Ai veçoi gjithashtu angazhimin e Kosovës përtej kufijve të saj, përmes pjesëmarrjes në operacione ndërkombëtare në mbështetje të paqes në Evropë dhe në Lindjen e Mesme.
“Republika e Kosovës është e përkushtuar të ndërtojë një forcë moderne dhe profesionale, por njëkohësisht të jetë edhe kontribuese aktive në sigurinë dhe paqen në botë”, ka shkruar Maqedonci.

Sveçla: Fabrika e municionit, dëshmi e partneritetit strategjik Kosovë–Turqi
FSK avancon kapacitetet e mbështetjes luftarake, realizon qitje me mortaja 120 mm në Shqipëri
Policia e Kosovës avancon kapacitetet për menaxhimin e turmave
FSK-së i dhurohet roboti i parë tokësor pa ekuipazh i prodhuar në Kosovë
Radoiçiqit i ndalohet hyrja në Bosnjë – përbën kërcënim për sigurinë
Banjska dhe dyshimet për përfshirjen e strukturave serbe, Islami kërkon masa parandaluese
Serwer: Beogradi e di se pa njohjen e Kosovës nuk ka anëtarësim në BE
Rusia rrit tensionet me NATO-n, Aleanca mblidhet pas incidentit në Poloni
Ballkani mposht Gjilanin me përmbysje
Vdekje në vendin e punës në Istog, Prokuroria nis hetimet