Nuk kalon rekomandimi i Komisionit Evropian, Serbia mbetet e bllokuar në hapjen e kapitujve me BE-në

Prishtinë, 8 korrik 2026 15:29

Përfaqësuesit e përhershëm të vendeve anëtare të BE-së në takimin e tyre në Bruksel sot nuk kanë arritur pajtim për të hapur grupkapitullin 3 në procesin e negociatave të anëtarësimit të Serbisë. KOHA mëson nga burimet diplomatike se së paku nëntë shtete anëtare janë shprehur kategorikisht kundër këtij vendimi. Vendimet për këtë hap, sikur për secilin hap në procesin e zgjerimit, merren vetëm me pajtimin e të gjitha vendeve anëtare.

Sipas burimeve diplomatike kundër ishin Holanda, Suedia, Belgjika, Finlanda, Kroacia, Bullgaria, tri vendet Baltike (Estonia, Lituania e Letonia) dhe me rezerva edhe disa vende tjera.

aqedonisht

Lajme

Arbëri

Ekonomi

Kronikë

OpEd

Kolumne

Editorial

Karikatura

Opinion

Analizë

Fejton

Botë

Rajon

Kulturë

Shtojca për Kulturë

Sport

Botërori 2026

Futboll

Basketboll

Luftarake

Sporte të tjera

Magazina

Lifestyle

Kuriozitet

Showbiz

Horoskopi

Auto

Tech

KTV

LAJMET E MBRËMJES

KONFRONT

INTERAKTIV

60 MINUTA

tre8tre

PIKË me Veton Surroin

SOT

Rose

Fiks n’Kohë

Jeta SOT

038

EXPRESS

Flladi Veror

JETA

TE LINDA

Amerikania përsëri në Kosovë

FAKTE me Adnan Merovcin

TEMPUS

BETIMI PËR DREJTËSI

SPORTI NË KTV

PROGRAMI FLUTURUES I FËMIJËVE

NËPËR FILM

Hapësirë e sponsorizuar

Marketing

Arkivi

Close

Follow Koha.net

Facebook

Twitter

Youtube

Mbështete KOHËN. Ruaje të vërtetën

Letër lexuesit

Arbëri

Nuk kalon rekomandimi i Komisionit Evropian, Serbia mbetet e bllokuar në hapjen e kapitujve me BE-në

vuciq

Nga: Augustin Palokaj

Augustin Palokaj

8 korrik 2026 14:58

Shpërndaje në:

Përfaqësuesit e përhershëm të vendeve anëtare të BE-së në takimin e tyre në Bruksel sot nuk kanë arritur pajtim për të hapur grupkapitullin 3 në procesin e negociatave të anëtarësimit të Serbisë. KOHA mëson nga burimet diplomatike se së paku nëntë shtete anëtare janë shprehur kategorikisht kundër këtij vendimi. Vendimet për këtë hap, sikur për secilin hap në procesin e zgjerimit, merren vetëm me pajtimin e të gjitha vendeve anëtare.

Sipas burimeve diplomatike kundër ishin Holanda, Suedia, Belgjika, Finlanda, Kroacia, Bullgaria, tri vendet Baltike (Estonia, Lituania e Letonia) dhe me rezerva edhe disa vende tjera.

Mbështete KOHËN. Ruaje të vërtetën.

Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.

Letër lexuesit — pse po kërkojmë mbështetjen tuaj

Serbia nuk ka hapur asnjë kapitull në procesin e negociatave të anëtarësimit që nga fundi i vitit 2021. Komisioni Evropian kishte rekomanduar që të hapet ky grupkapitull duke nënvizuar se Serbia i ka përmbushur kriteret e nevojshme.

Në një “notë informuese”, Komisioni mes tjerash vlerëson edhe angazhimin e Serbisë në procesin e dialogut me Kosovën.

“Komisioni mund të informojë Këshillin se Serbia vazhdon të angazhohet në dialogun e lehtësuar nga BE-ja, siç është konfirmuar nga Shërbimi Evropian i Veprimit të Jashtëm (EEAS) dhe Përfaqësuesi i Posaçëm i BE-së për dialogun Beograd-Prishtinë”, thuhet në dokumentin që Komisioni Evropian ua ka dërguar vendeve anëtare, ku me një ton shumë pozitiv për Serbinë bën presion ndaj vendeve anëtare që të hapin kapituj të rinj në procesin e negociatave. Serbia për katër vjet nuk ka hapur asnjë kapitull.

Dialogu me Kosovën, krahas sundimit të ligjit, është parakusht për avancimin e përgjithshëm të Serbisë në procesin e negociatave të anëtarësimit. Në këtë letër, Komisioni Evropian vlerëson pozitivisht edhe reformat që ka bërë Serbia në fushën e mediave, gjyqësorit dhe në përshtatje me politikën e jashtme. Kjo letër e Komisionit ka hasur në kritika nga ana e disa shteteve anëtare sepse ato mendojnë se nuk pasqyron realitetin në Serbi.

Rekomandimin e Komisionit Evropian për hapjen e kapitujve të rinj me Serbinë e ka konfirmuar në debat në Parlamentin Evropian edhe komisionerja për Zgjerim, Marta Kos.

“Në kohën kur vendet e tjera po përparojnë në procesin e anëtarësimit, ne nuk duam që Serbia të mbetet prapa. Për këtë arsye, në dritën e disa zhvillimeve pozitive të kohëve të fundit, Komisioni ka përsëritur rekomandimin drejtuar Këshillit për të hapur grupkapitullin 3 në negociatat e anëtarësimit me Serbinë”, ka thënë Kos.

Krejt ndryshe nga Komisioni Evropian për përmbushjen e kritereve nga ana e Serbisë mendon Parlamenti Evropian, i cili madje ka kërkuar që asaj edhe t’i ndalen fondet për shkak të problemeve me sundimin e ligjit. Parlamenti Evropian ka kritikuar Serbinë edhe për raportet me Kosovën. Për këtë ka folur edhe Tonino Piculla, raportues i Parlamentit Evropian për Serbinë.

“Në vend që të hapë dhe të mbyllë kapitujt e negociatave, qeveria e Serbisë po hap dilema të reja dhe po krijon tensione të reja me fqinjët. Nuk mund të flasim për përparim në dialogun me Kosovën nëse përgjegjësit për sulmin terrorist në Banjskë nuk sillen para drejtësisë. Ne, si Parlament Evropian, duhet të jemi të palëkundur në përkushtimin tonë ndaj respektimit të vlerave dhe rregullave. Nuk mund të heshtim përballë prapakthimit në sundimin e ligjit, erozionit të standardeve demokratike dhe ndikimit shkatërrues në stabilitetin e rajonit”, ka thënë Piculla.

Parlamenti Evropian ka kritikuar Serbinë edhe për vazhdimin e forcimit të raporteve me Rusinë dhe për presion ndaj mediave. Rezoluta e cila kritikon Serbinë është miratuar në Parlamentin Evropian me 468 vota në favor, 116 kundër dhe 79 të përmbajtur