Prishtinë, 19 qershor 2026 12:06
Familja e kriminelit famëkeq të luftës, Nebojsha Pavkoviq, ish-komandant i Armatës së Tretë të Ushtrisë Jugosllave dhe Shef i Shtabit të Përgjithshëm, i dënuar me 22 vjet burg për krime lufte në Kosovë, ngriti një padi kundër NATO-s sepse gjoja, Pavkoviq dyshohet se vdiq nga helmimi nga uraniumi i varfëruar i përdorur nga NATO në vitin 1999 gjatë bombardimit të RF të Jugosllavisë.
Avokati i familjes së Pavkoviqit, Srgjan Aleksiq, tha se një laborator italian i akredituar konfirmoi se në indin e Pavkoviqit kishte zbuluar praninë e “uraniumit dhe disa metaleve toksike në përqendrime dramatike të rritura, që është një pasojë e drejtpërdrejtë e bombardimeve të NATO-s”.
Aleksiq pretendon se Pavkoviq u sëmur me dy lloje kanceri – gjëndrës tiroide dhe pankreasit, me vlerësimin se “shfaqja e dy ose më shumë kancereve në të njëjtën kohë është një shenjë tipike e uraniumit të varfëruar”.
Në vitin 2009, Tribunali i Hagës e dënoi Pavkoviin për krime kundër njerëzimit, domethënë për dëbimin, vrasjen dhe persekutimin e shqiptarëve në Kosovë, dhe ai e vuajti dënimin në Finlandë. Në shtator 2025, ai u lirua para kohe për arsye shëndetësore dhe u kthye në Beograd me një aeroplan qeveritar, ku vdiq më 20 tetor 2025, në Akademinë Ushtarake Mjekësore, në moshën 79 vjeçare.
Kurti e Abdixhiku takohen nesër në orën 18:00 në Kuvend 
Hapja e konsullatës serbe në Shkodër, banorët në protestë: I kemi të freskëta plagët, kemi vuajtur shumë 
Sveçla: Serbia refuzon të tregojë varret masive dhe ndëshkon ata që flasin 
Koci: Sa herë ka hetime për krime lufte në Kosovë, ka arrestime në Serbi 
Islami: Serbia po përdor arrestimet për të barazuar viktimën me kriminelin 
Hoxha: Hapja e konsullatës serbe në Shkodër s’nënkupton pandjeshmëri ndaj Kosovës 
Gjurmë të krimeve të luftës në Kalludër të Vogël, vazhdojnë gërmimet për varrezën masive 
1 muaj paraburgim ndaj të pandehurit J.R. për veprën penale Krime lufte kundër popullsisë civile 
Inspektorati ashpërson kontrollet: Asnjë punim pa respektuar standardet e sigurisë