Memeti: Dy deputetë, mundësi më e madhe për përfaqësimin e shqiptarëve në Luginë

Preshevë, 28 tetor 2026 07:04

Deputeti i zgjedhur shqiptar në Kuvendin e Serbisë, Visar Memeti, ka vlerësuar se përfaqësimi me dy mandate parlamentare krijon mundësi më të mëdha për artikulimin e kërkesave dhe mbrojtjen e të drejtave të shqiptarëve në Luginën e Preshevës.

Memeti ka thënë se, ndonëse dy deputetë përbëjnë një numër të vogël në një parlament me 250 ulëse, ky përfaqësim është i rëndësishëm për komunitetin shqiptar, i cili në mandatin e kaluar kishte vetëm një deputet.

Ai ka shprehur shpresën se ndryshimet politike në Serbi mund të ndikojnë në përmirësimin e pozitës së shqiptarëve, duke përmendur si çështje shqetësuese migrimin, pasivizimin e adresave dhe problemet me respektimin e të drejtave të shqiptarëve.

Megjithatë, Memeti ka theksuar se mbetet për t’u parë se si do të veprojë pushteti i ri dhe nëse ndryshimet politike do të përkthehen në përmirësime konkrete për shqiptarët e Luginës së Preshevës.