Demokratët marrin kontrollin e të dy dhomave të Kongresit amerikan, goditje politike për Trumpin

Prishtinë, 4 nëntor 2026 07:35

Demokratët në Shtetet e Bashkuara të Amerikës kanë fituar kontrollin e Senatit dhe Dhomës së Përfaqësuesve, duke siguruar shumicën në Kongres për dy vjetët e fundit të mandatit të presidentit Donald Trump.

Rezultati i zgjedhjeve të mesmandatit, të mbajtura të martën, më 3 nëntor, përbën një ndryshim të rëndësishëm të balancës politike në Washington dhe pritet t’ia vështirësojë presidentit Trump zbatimin e agjendës së tij qeverisëse.

Sipas rezultateve të raportuara, demokratët arritën fitore edhe në disa shtete tradicionalisht konservatore, duke siguruar ulëse në Senat dhe duke marrë kontrollin e Dhomës së Përfaqësuesve.

Zgjedhjet u karakterizuan nga pakënaqësia e votuesve për rritjen e çmimeve, luftën në Iran dhe shqetësimet lidhur me korrupsionin në qeveri.

Në garat për Senat, demokratët shënuan fitore në disa shtete të rëndësishme, përfshirë Teksasin, Kansasin, Karolinën e Jugut, Ohion dhe Karolinën e Veriut.

Ndërkohë, në Dhomën e Përfaqësuesve, demokratët arritën të mposhtin disa kandidatë republikanë në gara të rëndësishme, duke siguruar shumicën në këtë institucion.

Marrja e kontrollit të të dy dhomave të Kongresit u jep demokratëve më shumë ndikim në procesin legjislativ, në mbikëqyrjen e administratës dhe në vendimet për emërimet në institucione federale.

Presidenti Donald Trump ka paralajmëruar se do ta përdorë të drejtën e vetos për të bllokuar nismat e demokratëve, duke ngritur mundësinë e përplasjeve politike dhe bllokadës institucionale në Washington.

Fitorja e demokratëve pritet të ndikojë ndjeshëm në dy vjetët e mbetur të presidencës së Trumpit, pasi kontrolli i Kongresit nga opozita do t’ia kufizojë mundësinë për të avancuar pa pengesa prioritetet e tij politike.