Prishtinë 02 Prill 2026 11:46
Seanca plenare e Kuvendit të Kosovës, e para pas aktgjykimit të Gjykatës Kushtetuese dhe shfuqizimit të masës së përkohshme që i kishte vënë institucionit më të lartë legjislativ në vend, nisi me kujtimin që i bëri kryekuvendarja, Albulena Haxhiu demonstratave të vitit 1981.
Ajo e quajti këtë si një nga momentet më të qarta të artikulimit politik të shqiptarëve të Kosovës.
“Ato nisën nga studentët si një reagim ndaj një padrejtësie konkrete, por shumë shpejt u shndërruan në kërkesë të hapur për barazi dinjitet dhe status politik nën parullën “Kosova Republikë”, tha Haxhiu.
Kryetarja e Kuvendit, në fjalën e saj në përkujtim të kësaj dite, tha se demonstratat e vitit 1981 shënuan një kthesë në vetëdijen shoqërore në drejtimin politik, duke vendosur themelet e proceseve që do të pasonin.
“Përballë tyre shteti reagoi me masa represive duke konfirmuar hendekun midis kërkesës qytetare dhe strukturës së unitetit të asaj kohe. Demonstratat e vitit 1981 shënuan një kthesë në vetëdijen shoqërore në drejtimin politik, duke vendosur themelet e proceseve që do të pasonin. I kujtojmë me respekt gjithë ata që morën pjesë në to dhe që me qëndrimin e tyre i dhanë një drejtim të ri historisë së Kosovës”, tha Haxhiu, para se të hapte diskutimet në seancën plenare.
Roth: Serbia e gjorë, pretendimet ndaj një fqinji e çojnë drejt luftës, jo BE-së 
Qeveria e Kosovës: Shfaqja e Radoiçiqit në tubimin e SNS-së dëshmi e lidhjeve me Serbinë 
Organizatori i sulmit terrorist në Banjskë, Radoiçiq, pranë djalit të Vuçiqit në tubimin parazgjedhor të SNS-së në Kragujevc 
Alarm për diasporën shqiptare: Vuçiq po përgatit pengesa për votuesit 
Policia e Kosovës: Fushatat zgjedhore të Serbisë nuk lejohen në Kosovë 
Zgjedhjet në Serbi, Janjiq: Ndikimi rus është jashtëzakonisht i madh 
Qeveria planifikon ta procedojë në shkurt 2027 projektligjin për formimin e Xhandarmërisë 
12 të vrarë dhe 300 të plagosur nga sulmi në aeroportin e Riadit, në Arabi