Ukrainë, 09 Gusht 2025
Presidenti i Ukrainës, Volodymyr Zelensky, ka reaguar me tone të forta pas njoftimit të Presidentit amerikan Donald Trump për një takim me Presidentin rus Vladimir Putin, që pritet të mbahet të premten në Alaskë për të diskutuar përfundimin e luftës në Ukrainë.
Në një deklaratë publike, Zelensky ritheksoi qëndrimin e palëkundur të Kievit:
“Ukraina nuk do t’i japë tokë pushtuesit. Çdo marrëveshje pa përfshirjen e Ukrainës është e papranueshme dhe e destinuar të dështojë.”
Ai shtoi se nuk ka asnjë skenar ku Rusia shpërblehet për agresionin e saj, duke theksuar se populli ukrainas meriton paqe të drejtë.
“Përgjigja për çështjen territoriale është në Kushtetutën e Ukrainës. Askush nuk do të devijojë nga kjo – dhe askush nuk do të mundet. Ukrainasit nuk do t’ia falin tokën pushtuesit.”
Zelensky tha se është i gatshëm për negociata të vërteta, por vetëm nëse ato zhvillohen me pjesëmarrjen e Ukrainës dhe duke respektuar plotësisht sovranitetin e saj.
“Ukraina është gati për vendime reale që sjellin paqe. Por çdo vendim pa Ukrainën është një vendim kundër paqes – një vendim i vdekur që nuk do të sjellë asgjë.”
Deklarata e tij vjen në një moment të ndjeshëm diplomatik, teksa takimi Trump–Putin pritet të tërheqë vëmendjen e botës. Përjashtimi i Ukrainës nga tavolina e bisedimeve ka ngjallur shqetësime për legjitimitetin dhe qëndrueshmërinë e çdo marrëveshjeje të mundshme.
Gazetari kroat publikon dosjen sekrete të ish-shefit të shërbimit sekret boshnjak mbi rolin e Vuçiqit në “Sarajevo Safari” 
SHBA-ja sanksionon kryetaren dhe një prokururor të Gjykatës Penale Ndërkombëtare 
Rusia i bashkohet narrativës së Serbisë, e cilëson kërcënim bashkëpunimin ushtarak Kosovë-Shqipëri-Kroaci 
SHBA dhe Irani pajtohen të zgjasin armëpushimin 60-ditor 
Gjykata siriane dënon me vdekje në mungesë ish-presidentin Bashar al-Assad 
Mbi 100 të vdekur në Kolumbi pas tërmetit 7.4 ballë 
Kurti: Diskutimet do të vazhdojnë, për herë të parë kemi folur pë emra të përveçëm 
Komisioni për të Zhdukurit: Çdo rezultat është një hap drejt së vërtetës për familjet 
Donjeta siguron finalen, ndeshet me rusen e Serbisë 
Mbytet 20-vjeçari nga Kosova në liqenin e Komanit