Prishtinë, 9 tetor 2026 13:17
Ministri i Digjitalizimit dhe Administratës Publike, Lulëzon Jagxhiu, ka njoftuar se ka përfunduar shtrirja e rrjetit falas të internetit “Wi-Fi for Western Balkans” në 33 komuna të Kosovës, në gjithsej 43 lokacione publike.
Me këtë rast, Jagxhiu ka thënë se rrjeti tashmë po përdoret nga qytetarët, duke theksuar se janë regjistruar mbi 1.1 milion lidhje në internet përmes këtij projekti në Kosovë.
Vetëm në Bibliotekën Kombëtare të Kosovës, sipas tij, janë regjistruar mbi 14 mijë lidhje brenda rreth gjashtë javësh.
Ai ka theksuar se projekti është pjesë e përpjekjeve për transformimin digjital të vendit dhe për të siguruar qasje më të lehtë në internet për të gjithë qytetarët.
Jagxhiu ka përmendur edhe zgjerimin e shërbimeve elektronike përmes platformës e-Kosova, e cila aktualisht ofron mbi 330 shërbime për qytetarët dhe bizneset. Ndërsa, përmes e-Kosova 2.0, synohet shtimi i 400 shërbimeve të tjera gjatë dy vjetëve të ardhshëm.
Murati: Kosova ul kufirin e pagesave me para të gatshme për të parandaluar financimet e paligjshme 
Kosova dhe Maqedonia e Veriut synojnë thellimin e bashkëpunimit në bujqësi dhe siguri ushqimore 
Në Leposaviq gjenden armë e pajisje ushtarake 
Gjykimi për krime lufte, dëshmitarja rrëfen keqtrajtimin gjatë luftës 
Kuçi: Aktorët e jashtëm mund të shfrytëzojnë tensionet për ta destabilizuar Kosovën 
Gjykimi për krime lufte në Gjilan, dëshmitari: “Me gjakun tim më vizatuan simbolet serbe në trup” 
Jagxhiu: Internet falas në 43 lokacione publike në 33 komuna të Kosovës 
4.5 milionë euro investime për sportin në Mitrovicë 
Policia e Kosovës: Fushatat zgjedhore të Serbisë nuk lejohen në Kosovë