Prishtinë, 8 tetor 2026 08:12
Në Gjykatën Themelore në Prishtinë ka vazhduar gjykimi ndaj pesë personave të akuzuar për krime lufte ndaj popullatës civile shqiptare në disa fshatra të rajonit të Gjilanit gjatë luftës së vitit 1999.
Gjatë seancës së së mërkurës është dëgjuar dëshmitari Behxhet Mehmeti, i cili ka rrëfyer për trajtimin që, sipas dëshmisë së tij, kishte përjetuar nga pjesëtarë të një grupi paramilitar.
Mehmeti ka deklaruar se, pasi ishte plagosur, gjaku që i kishte në fytyrë ishte përdorur nga paramilitarët për t’i vizatuar simbole serbe në gjoks.
“Me gjakun tim që e kam pas në fytyrë, më kanë vizatu simbolet serbe në gjoks”, ka deklaruar Mehmeti.
Në të njëjtën seancë është dëgjuar edhe dëshmitari Nazmi Hajdini. Ai ka rrëfyer për ngjarjet e 5 prillit 1999, kur, pasi kishte parë shtëpi duke u djegur në fshatin Kokaj, ishte larguar nga Llovca në drejtim të Pogragjës.
Sipas dëshmisë së Hajdinit, rreth orës 14:00 ai ishte takuar me R.D.L. dhe persona të tjerë, me të cilët kishin vendosur të ktheheshin në Llovcë për të marrë ushqim.
Gjatë rrugës, sipas tij, ata kishin parë disa vetura civile nga të cilat kishin dalë persona të armatosur dhe të veshur me uniforma ushtarake.
“Për një moment, kanë dalë njerëz me uniforma edhe neve na kanë zbrit prej traktorit. Na kanë urdhëru me u shtri në bark, edhe unë kam dëgju krisma të pushkës”, ka deklaruar Hajdini.
Sipas aktakuzës së Prokurorisë Speciale, pesë të akuzuarit – Dragan Cvetkoviq, Dragan Niciq, Milosh Shoshiq, Nenad Stojanoviq dhe Slobodan Jetivq – akuzohen se gjatë luftës, si pjesë e një grupi të armatosur, kanë kryer krime kundër popullatës civile në disa fshatra të rajonit të Gjilanit.
Prokuroria pretendon se në disa raste janë vrarë dhe keqtrajtuar civilë shqiptarë. Në një nga ngjarjet e përshkruara në aktakuzë, viktimat dyshohet se janë sulmuar dhe më pas trupat e tyre janë djegur.
Në seancën fillestare të mbajtur më 15 janar 2025, të pesë të akuzuarit ishin deklaruar të pafajshëm. Ata vazhdojnë të gëzojnë prezumimin e pafajësisë deri në një vendim përfundimtar të gjykatës.
Prokuroria Speciale e Kosovës e kishte ngritur aktakuzën më 27 dhjetor 2024, ndërsa rasti ka të bëjë me një seri ngjarjesh të rënda të ndodhura në rajonin e Gjilanit gjatë vitit 1999.

Kamberi kërkon nga qeveria e re e Serbisë njohjen e diplomave të Kosovës
Kosova kalon në pagesa të shpejta, paratë do të transferohen 24/7
Nis rrënimi i gjashtë objekteve pa leje në zonën e Liqenit të Ujmanit
Kurti: Strukturat paralele në veri janë shkatërruar, 29 rrugë ilegale janë mbyllur
Miratohet në parim Projektbuxheti për vitin 2027
4.27 miliardë euro buxhet për 2027, paga e 13-të dhe 908 milionë euro për komunat
Ballkani mposht Gjilanin me përmbysje
Vdekje në vendin e punës në Istog, Prokuroria nis hetimet
Sveçla: Fabrika e municionit, dëshmi e partneritetit strategjik Kosovë–Turqi
118 vjet nga Kongresi i Manastirit, 22 Nëntori shënon bashkimin e shqiptarëve përmes alfabetit