Prishtinë, 27 gusht 2026 15:42
Policia e Kosovës, Komisioni Qeveritar për Persona të Zhdukur dhe Instituti për Mjekësi Ligjore, në bashkëpunim me shoqatat e familjeve të personave të zhdukur, do të zhvillojnë një vizitë në lokacionin e varrit masiv në Kalludër të Zubin Potokut.
Vizita do të mbahet më 28 gusht, në orën 12:00, në prag të 30 gushtit Ditës Ndërkombëtare të Viktimave të Zhdukjeve me Forcë, shkruan IndeksOnline.
Sipas njoftimit të përbashkët, aktiviteti organizohet në shenjë respekti dhe nderimi për viktimat e zhdukjeve me forcë, si dhe për të shprehur solidaritetin dhe përkrahjen ndaj familjeve të personave të zhdukur.
Institucionet kanë theksuar se familjet, për më shumë se dy dekada, vazhdojnë të kërkojnë të vërtetën dhe fatin e më të dashurve të tyre.
Vizita synon gjithashtu të theksojë bashkëpunimin ndërinstitucional dhe partneritetin me shoqatat e familjeve të personave të zhdukur në procesin e kërkimit dhe zbardhjes së fatit të personave të zhdukur.
Aktiviteti do të zhvillohet në lokacionin e varrit masiv në Kalludër, në Komunën e Zubin Potokut, më 28 gusht në orën 12:00
Kisha Ortodokse Autoqefale e Kosovës kërkon hetim për rolin e Kishës Ortodokse Serbe në rastin e spiunazhit 
KGJK-ja refuzon kthimin e gjyqtarëve dhe stafit serb që dhanë dorëheqje në vitin 2022 
Afërdita Bytyqi zgjidhet Zëvendëskryesuese e KGJK-së 
William Walker u shkruan liderëve politikë, propozon Faton Bislimin për President të Kosovës 
Qeveria ndan mbi 4.3 milionë euro për furnizim me barna esenciale 
Mbetjet në Zubin Potok shtojnë presionin mbi Beogradin për hapjen e arkivave 
Në shenjë respekti dhe nderimi për viktimat”, në Kalludër të Zubin Potokut do të vizitohet varri masiv 
“Me vullnetin e Allahut, kemi vendosur një bombë”, e-maili në emër të Shtetit Islamik që alarmoi institucionet në Shqipëri: Do t’ju vrasim 
Serbia e tërheq ekipin e basketbollit, shmanget përballja me Kosovën në Taranto