Basha: Ura e tretë mbi Ibër do të forcojë lidhjen dhe zhvillimin ekonomik mes dy anëve të qytetit

Prishtinë, 28 qershor 2026 14:53

Ministri në detyrë i Infrastrukturës, Dimal Basha, ka bërë të ditur se po vazhdojnë punimet për ndërtimin e urës së tretë mbi lumin Ibër, duke e cilësuar projektin si një investim që do të forcojë lidhjen ndërmjet qytetarëve dhe do të krijojë mundësi të reja për zhvillim ekonomik në të dy anët e lumit.

Sipas Bashës, ky projekt synon të përmirësojë infrastrukturën dhe të afrojë edhe më shumë veriun me jugun e Mitrovicës.

Ai ka theksuar se, nën udhëheqjen e kryeministrit Albin Kurti, fokusi nuk është më te debatet për ndarjen e Kosovës, por te projektet që, sipas tij, kontribuojnë në afrimin dhe integrimin e vendit.

“Vazhdojmë me punë të mira”, ka përfunduar Basha në reagimin e tij.