Mitrovicë, 26 qershor 2026 14:54
Në zonën përreth Liqenit të Ujmanit, në komunën e Zubin Potokut, institucionet e Republikës së Kosovës kanë vazhduar zbatimin e legjislacionit që rregullon ndërtimet pa leje, duke ndërmarrë veprime për lirimin e objekteve që janë ndërtuar në kundërshtim me dispozitat ligjore.
Ekipi i portalit VeritasInfo ishte në vendin e ngjarjes, duke përcjellë nga afër këtë proces.
Pronarët e objekteve ishin njoftuar paraprakisht për vendimet e institucioneve dhe afatet për lirimin e tyre, ndërsa procesi në terren po zhvillohet në kuadër të zbatimit të procedurave ligjore.
Autoritetet kanë theksuar se veprimet lidhen me zbatimin e legjislacionit në fuqi, i cili rregullon planifikimin hapësinor, ndërtimin dhe përdorimin e objekteve, me synim trajtimin e ndërtimeve të realizuara pa lejet përkatëse, pavarësisht pronësisë apo përdoruesve të tyre.
Vetëm disa dhjetëra metra nga zona ku po zhvillohet aktiviteti, ndodhet një bazë e sapondërtuar e Shërbimit të Emergjencave të Kosovës, duke i hapur rrugë rregullimit të infrastrukturës së nevojshme të shërbimit të emergjencave.
Liqeni i Ujmanit është një zonë me rëndësi të veçantë infrastrukturore dhe strategjike në veri të Kosovës, andaj duke qenë pasuri kombëtare e Republikës së Kosovës, nuk lejohen ndërtimet pa leje apo veprimtari të tjera që bien ndesh me ligjislacionin në fuqi.
Shumë përfaqësues serb nga veriu janë thirrur si të pandehur për shkak të barrikadave gjatë vitit 2021 
Nesër mbahet gjykimi në mungesë ndaj 53 të akuzuarve për Masakrën e Mejës 
Ambasada Amerikane nderon Afrim Bunjakun: Autorët e sulmit në Banjskë duhet të mbajnë përgjegjësi 
Vendoset në Banjskë gurthemeli i obeliskut për heroin Afrim Bunjaku 
Krerët e shtetit nderojnë heroin Afrim Bunjaku në trevjetorin e rënies 
Tre vjet nga rënia e Afrim Bunjakut, Kosova e përkujton heroin e Policisë 
Shqipëria për Banjskën: Nuk mund të ketë paqe dhe normalizim pa përgjegjësi