Prishtinë, 24 qershor 2026 08:20
Petar Petkoviq, drejtor i të ashtuquajturës Zyrë për Kosovën në Qeverinë e Serbisë, përmes një deklarate ka mbrojtur publikisht Milan Radoiçiqin, të cilin autoritetet e Kosovës e kanë identifikuar si organizatorin kryesor të sulmit terrorist të 24 shtatorit 2023 në Banjskë.
Petkoviq, në reagimin e tij në “X” ndaj kritikave të opozitës serbe, e quajti “të ulët dhe të turpshme” akuzën se Radoiçiq është përgjegjës për terrorin ndaj serbëve, duke e hedhur fajin tërësisht te kryeministri në detyrë Albin Kurti.
Petkoviqi sulmoi edhe politikanin opozitar serb, Miroslav Aleksiq, për shkak të kritikave ndaj Radoiçiqit, duke deklaruar se “një patriot serb nuk e dëbon popullin e vet, por lufton për të me zemër e me shpirt”.
Kjo deklaratë vjen si një mbështetje e qartë politike nga Beogradi për një figurë të lidhur me sulmin e armatosur kundër forcave të rendit të Kosovës.
Radoiçiq vetë ka pranuar përgjegjësinë për organizimin e sulmit, duke thënë se ai personalisht ka bërë të gjitha përgatitjet logjistike. Pavarësisht kësaj, ai vazhdon të jetë i lirë në Serbi, pa u ndjekur penalisht nga autoritetet serbe.
Për sulmin terrorist në Banjskë, bashkësia ndërkombëtare, përfshirë NATO-n kanë kërkuar në vazhdimësi përgjegjësi nga Serbia duke kërkuar që Milan Radoiçiq të sillet para drejtësisë.
Ndërpritet seanca konstituive, Kurti kërkon kohë shtesë 
Kosova i ndalon përgjithmonë hyrjen shefit të Telekomit të Serbisë 
Kuvendi vazhdon nesër seancën konstituive 
Sinani: Pasivizimi i adresave është padrejtësia më e rëndë ndaj shqiptarëve të Luginës 
Takohen Kurti dhe Abdixhiku, në përpkekje për të arritur marrëveshje 
E ashtuquajtura Zyrë për Kosovë shpenzoi mbi gjymëmilioni euro për finacim të strukturave paralele 
Kurti: Pa marrëveshje për presidentin do të thoshte shkuarje në zgjedhje të reja 
Vdes në QKUK i lënduari në Graçanicë, policia sekuestron pistoletë 
11 aksidente me tren në gjashtëmujorin e parë të vitit – problem sinjalistika