Prishtinë, 19 maj 2026 14:55
Agjencia e Statistikave të Kosovës ka publikuar të dhënat preliminare për lindjet, vdekjet, kurorëzimet dhe shkurorëzimet për muajin mars 2026, duke treguar rritje të numrit të lindjeve dhe vdekjeve krahasuar me muajin paraprak.
Sipas ASK-së, gjatë muajit mars janë regjistruar gjithsej 2,314 lindje brenda dhe jashtë Kosovës. Prej tyre, 1,211 foshnja të lindura janë meshkuj, ndërsa 1,103 janë femra. Krahasuar me muajin shkurt, numri i lindjeve ka shënuar rritje prej rreth 15.6 për qind.
Në të njëjtën periudhë janë regjistruar 932 raste të vdekjeve, ku 524 prej tyre janë meshkuj dhe 408 femra. ASK-ja ka bërë të ditur se numri i vdekjeve është rritur për 3.4 për qind në krahasim me muajin shkurt.
Ndërkaq, gjatë marsit janë regjistruar gjithsej 932 kurorëzime, duke shënuar rënie prej 3.8 për qind krahasuar me muajin paraprak.
Po ashtu, në Kosovë janë regjistruar 133 raste të shkurorëzimeve, që paraqet ulje prej 1.5 për qind në raport me shkurtin 2026.
Sipas ASK-së, këto të dhëna janë publikuar në bazë të të dhënave administrative të siguruara nga Agjencia e Regjistrit Civil të Kosovës.
Apeli e kthen në rigjykim rastin ndaj Trajkoviqit, i dënuar për krime lufte 
Arrestohet një person në Skenderaj për krime lufte kundër popullatës civile 
KRUM u jep afat konsumatorëve për deklarimin e kyçjeve të paautorizuara, paralajmëron masa ligjore 
Krimet e luftës, Kosova forcon qasjen institucionale në veri 
Protesta në Prishtinë: Gjashtë policë të lënduar, 11 protestues kërkuan ndihmë mjekësore 
Situata para Kuvendit, hidhen fishekzjarre dhe gaz lotsjellës 
Goditet për vdekje një këmbësor në Viti 
Serbia synon monopolin politik mbi serbët në Kosovë 
Kurti uron Shiroka-Pulën: Do të punojmë bashkë për suksesin e ish-krerëve të UÇK-së në apel 
Kuvendi miraton ndryshimet në Ligjin për Dhomat e Specializuara