Prishtinë, 11 maj 2026 18:14
Partia Demokratike e Kosovës ka refuzuar rikthimin e Fatmir Limaj dhe kandidimin e tij në listën e kësaj partie për zgjedhjet e 7 qershorit.
Këtë e bëri të ditur kryetari i PDK-së, Bedri Hamza, pas mbledhjes së Kryesisë së partisë.
Në letrën e tij, Limaj kishte shprehur gatishmëri për bashkëpunim dhe bashkim politik, duke e cilësuar këtë si një lëvizje “në funksion të krijimit të një alternative të fuqishme dhe përfaqësuese për qytetarët e Republikës së Kosovës”.
“Sa i përket diskutimeve të fundit në media, ne kemi pranuar një letër nga kryetari i NISMA-s Socialdemokrate, z. Fatmir Limaj. Pas diskutimeve në kryesinë e PDK-së, kemi një qëndrim të përbashkët: e mirëpresim kontributin e z. Limaj dhe NISMA-s që do të japin për PDK-në në këto zgjedhje. Jemi të bindur që kjo mbështetje do të rrisë votën për partinë tonë. Për korrektësi ndaj jush, z. Limaj nuk do të jetë pjesë e listës zgjedhore të PDK-së për deputetë. Ky ka qenë edhe vullneti i tij, pasi në letrën e dërguar ai nuk ka kërkuar të jetë pjesë e listës, por ka ofruar mbështetjen e subjektit të tij për rrugëtimin tonë të përbashkët”, tha Hamza para mediave.
Kamberi dhe dy deputetë të tjerë paraqesin rezolutë për dënimin e krimeve të kryera në Kosovë 
Bajrami: Dialogu me Serbinë të përmbyllet sa më shpejt dhe me njohje reciproke 
Me një listë të vetme, opozita serbe në Kosovë synon ndryshime politike 
Ministri shqiptar në Mal të Zi: Deklarata kundër Kosovës është tejkalim kompetencash lokale 
Konjufca: Kosova e gatshme për statusin e vendit kandidat në BE – 
Sot afati i fundit për dorëzimin e listave me emrat e kandidatëve për deputetë 
Muriqi në formacionin e sezonit në La Liga 
Përurohen tri ndërtesa sociale me efiçiencë në Prizren për 51 familje