“Ua thyen kokat, ua thyen dhëmbët, gjuanin me cigare”, studentët përshkruan se si aktivistët e SNS sulmuan kolegët e tyre

Prishtinë, 19 shkurt 2026 08:11

“Një kolegu i thyen kokën, një tjetri dhëmbin… Në ta gjuajtën edhe cigare të ndezura ” – janë fjalët me të cilat studentët e Novi Sadit përshkruan lëndimet që aktivistët e Partisë Progresiste Serbe (SNS) i shkaktuan kolegëve të tyre.

Protesta e banorëve të Novi Sadit, e organizuar fillimisht për shkak të njoftimit se Presidenti Aleksandar Vuçiq do të merrte pjesë në ceremoni në “Matica Srpska”, përfundoi me një takim me aktivistët e SNS para Teatrit Kombëtar Serb, shkruan N1, transmeton KosovaPress.

Dy grupet, ata që protestojnë dhe ata që presin para teatrit ndërsa po zhvillohej fjalimi i Milosh Vuçeviq dhe Patriarkut Porfiri, u ndanë nga kordone policie me pajisje të plota për të shpërndarë demonstratat.

Edhe prania e policisë nuk i parandaloi incidentet sepse aktivistët e SNS rrahën studentët e Novi Sadit. Një studente dha një deklaratë për N1 mbrëmë, duke thënë se “burra të moshës 50, 60 vjeç e shqelmuan dhe e shanin ndërsa ajo po përpiqej të mbronte kolegët e saj”.

Ata që ishin pjesë e ekipit të ndihmës së shpejtë thanë se të paktën tre u plagosën.

Studentët e Novi Sadit, më saktësisht studentët e Fakultetit të Filozofisë në Novi Sad, njoftuan se çfarë ndodhi dhe si u plagosën kolegët e tyre.

Policia bllokoi hyrjen në ceremoninë e Matica Srpska, megjithatë një pjesë e qytetareve të Novi Sadit iu afrua ndërtesës – mbështetës të SNS ishin gjithashtu të pranishëm

“Ndërsa policia, me pajisje të plota, qëndronte dhe shikonte pa lëvizur, mercenarët e SNS tek shtynë, goditën dhe më vonë rrëzuan një nga koleget tona në tokë, si rezultat i së cilës ajo goditi kokën në mur. Një kolege tjetër u godit në kokë, një kolegu tjetër iu thye një dhëmb, dhe kolegët që u përpoqën t’i mbronin nga dhunuesit u goditën me shqelma dhe grushte, ndërsa u hodhën cigaresh mbi ta”, deklaruan ata në rrjetin social X.

Të plagosurit, siç u tha, u transferuan në Qendrën e Emergjencës, ku u sanuan lëndimet e tyre.

Ata erdhën në Novi Sad për të festuar 200-vjetorin e themelimit të Matica Srpska dhe po largohen përsëri me duar të përgjakura”, thanë studentët.

Burrat që sulmuan studentët sulmuan edhe gazetarin Zharko Bogosavljeviq, i cili u përpoq të filmonte sulmet ndaj studentëve. Deputetja Marinika Tepić tha se një nga sulmuesit ndaj studentëve është Gorski Matoviq, një burrë për të cilin ajo thotë se merr pjesë vazhdimisht në mbrojtjen e SNS-së.