Ekipi i FSK-së po kryen përgatitjet e fundit për të marrë pjesë në garën “Cambrian Patroll” në Uells

Prishtinë, 10 shtator 2025

Forca e Sigurisë së Kosovës ka njoftuar se një ekip po realizon përgatitjet e fundit për të marrë pjesë në garën “Cambrian Patroll” në Uells. “Gara “Cambrian Patroll” që mbahet në Uells të Mbretërisë së Bashkuar, po afron, ekipi nga Forca e Sigurisë së Kosovës është duke realizuar përgatitjet përfundimtare për të marrë pjesë në këtë ngjarje që për vite me radhë FSK është pjesë e saj dhe ka treguar rezultate, ekipit tone në përgatitje i është bashkuar edhe një ekip nga Forcat e Armatosura të Republikës së Shqipërisë të cilët po sfidohen me skenarë të ngjashëm si ato që do të jenë gjatë realizimit të garës.”

FSK thotë se pjesëmarrja në këtë ushtrim rritë ndërveprimin me ushtrinë britanike dhe ushtritë partnere.

“Pjesëmarrja e FSK-së, në ushtrimin “Cambrian Patrol” rritë ndërveprimin me ushtrinë britanike dhe ushtritë partnere nga mbarë bota si dhe ndikon në zhvillimin e shkathtësive dhe taktikave individuale e grupore të ushtarakëve tanë.”