Përmbyllet afati – Vetëm dy koalicione për zgjedhjet lokale, pesë parti njoftuan mospjesëmarrjen

24 gusht, 2024

Komisioni Qendror i Zgjedhjeve (KQZ) ka njoftuar se është përmbyllur afati për partitë politike që dëshirojnë të certifikohen për pjesëmarrje përmes koalicioneve në zgjedhjet lokale të 12 tetorit 2025.

Sipas njoftimit, brenda periudhës 15-ditore (9–23 qershor), në Zyrën për Regjistrim, Certifikim dhe Kontrollin Financiar të Subjekteve Politike, janë paraqitur vetëm dy koalicione:

• “Koalicioni Vakat”, i përbërë nga Demokratska Stranka Bošnjaka (DSB) dhe Demokratska Stranka Vatan (DSV);

• “SDU-NAŠA”, i përbërë nga Socijaldemokratska Unija dhe Naša Inicijativa, i krijuar vetëm për komunën e Prizrenit.

Në të njëjtën kohë, pesë parti politike kanë njoftuar se nuk do të marrin pjesë në zgjedhjet e ardhshme lokale:

• Organizata Balli Kombëtar Demokrat (OBKD);

• Partia Demokratike e Diasporës (PDD);

• Partia e Drejtësisë (PD);

• Kosovaki Nevi Romani Partia (KNRP);

• Partia Balliste (PB).

KQZ ka bërë të ditur se afati për aplikim për certifikim dhe dorëzim të listës së kandidatëve do të fillojë më 26 qershor 2025.