24 gusht, 2025
Drejtori ekzekutiv i Qendrës Kosovare për Studime të Sigurisë (QKSS), Mentor Vrajolli, ka deklaruar se armatosja e Serbisë përbën një kërcënim serioz për Kosovën, duke theksuar rolin vendimtar të KFOR-it në ruajtjen e sigurisë.
Sipas tij, Serbia e justifikon këtë proces si pjesë të statusit të saj neutral, por në realitet qëllimi kryesor është ndikimi ndaj Kosovës, e cila ende nuk ka arritur progres në integrimet euroatlantike.
Vrajolli paralajmëroi se një pjesë e armatimeve mund të përdoret edhe për konsum të brendshëm, duke shërbyer si mjet për pushtetin serb për të frenuar protestat qytetare. Ai gjithashtu përmendi rrezikun nga grupet terroriste, duke kujtuar sulmin në Banjskë, ku pjesëmarrësit ende janë të lirë në territorin e Serbisë dhe potencialisht mund të rikthehen me përforcime nga individë ultranacionalistë.
Ai theksoi se siguria e Kosovës varet drejtpërdrejt nga performanca e KFOR-it, ndërsa paralajmëroi se disa kontigjente në pjesën veriore mund të mos jenë plotësisht të koordinuara me komandën e NATO-s.
Në fund, Vrajolli theksoi se institucionet e sigurisë në Kosovë, përfshirë Policinë dhe FSK-në, po funksionojnë normalisht, ndërsa situata në veri është përmirësuar dukshëm, pasi organet legjitime tashmë ushtrojnë kompetencat e tyre pa u kërcënuar nga grupet kriminale.
Kurti: I ofrojmë LDK-së edhe 15 nënshkrime për kandidatin e tyre, Hoxha u dakordua të tërhiqet 
Seanca për Presidentin shtyhet në ora 23:00 
Kurti: Mbrëmë u kam shkruar Hamzës dhe Abdixhikut, por nuk janë përgjigjur për çështjen e presidentit 
Kurti: Opozita po bllokon qeverisjen, sjellje jokushtetuese dhe mosnjohje e vullnetit popullor 
Shtyhet përsëri seanca, vazhdon në orën 19:00 
Rinis seanca për zgjedhjen e presidentit, opozita nuk merr pjesë 
Kore antishqiptare në Shkup: “Shqiptari i vdekur është shqiptari i mirë” – autoritetet nisin hetimet 
Lirohet nga burgu në Beograd ish-pjesëtari i UÇK-së, Mit’hat Lozhani