Prishtinë, 23 gusht 2025
Nënkryetari i Listës Serbe, Slavko Simiq, do të përballet në shtator me akuzën për nxitje të sulmit ndaj gazetarëve shqiptarë gjatë një proteste në Leposaviq, në qershor të vitit 2023.
Gjykata Themelore në Mitrovicë ka njoftuar se seanca e shqyrtimit fillestar ndaj tij dhe të pandehurit tjetër, Urosh Vukashinoviq, do të mbahet më 18 shtator 2025, në orën 09:00.
Sipas aktakuzës së Prokurorisë Themelore, gjatë protestës kundër vizitës së ministrit të Administrimit të Pushtetit Lokal, Elbert Krasniqi, Simiq i kishte nxitur protestuesit që të sulmonin ekipet e mediave. Gazetarët ishin goditur me shok-bomba, grushte, shqelma dhe mjete të forta.
Ai akuzohet për veprën penale “Pjesëmarrja në turmë që kryen vepër penale dhe huliganizmi”, ndërsa Vukashinoviq ngarkohet edhe me akuzën për sulm të drejtpërdrejtë.
Simiq, përveç këtij rasti, është nën hetim edhe nga Prokuroria Speciale për përfshirje në vendosjen e barrikadave në veri në vitin 2022. Ai dyshohet për pengim të zyrtarëve në kryerjen e detyrave, thirrje për rezistencë dhe veprimtari kundërkushtetuese.
Sipas Asociacionit të Gazetarëve të Kosovës, gjatë protestave të vitit 2023 në veri janë regjistruar mbi 30 raste të sulmeve ndaj gazetarëve, ndërsa deri më tani vetëm një person është dënuar. Në shkurt 2025, Dalibor Spasiq u gjobit me 12 mijë euro pasi pranoi fajësinë për sulm ndaj gazetarit Burim Zariqi.
Kandiqi i reagon Daçiqit: Politika jote rezultoi me varreza masive t`shqiptarëve 
Kurti emëron 27 zëvendësministra 
Seancë dëgjimore për Ballkanin Perëndimor dhe Kosovën në Kongres, i ftuar zyrtari i State Departamentit 
Kurti thirrje liderëve politikë: Ta zgjidhim çështjen e presidentit 
Kurti premton pagë mesatare mbi 1 mijë euro dhe dyfishim të shtesave për fëmijë 
Zgjidhet Qeveria Kurti 4 
Procedurat e Apelit që duhen ndjekur mbrojtjet e ish-krerët e UÇK-së 
Protestuesit përleshen me policinë para objektit të Qeverisë 
Hamza: Vendimi ndaj krerëve nuk u bë në emër të popullit, por kundër shtetit të Kosovës