Për vrasjen në Gjilan reagon ministri i Brendshëm Xhelal Sveçla

Ministri i Brendshëm, Xhelal Sveçla, ka thënë se është thellësisht i tronditur nga vrasja e trefishtë në Gjilan.

Ai ka shprehur tronditje të thellë dhe indinjatë ndaj institucioneve të drejtësisë, duke theksuar se trajtimi i rasteve të tilla nga Prokuroria dhe Gjyqësori, duke lënë të lirë personat e dyshuar, është i papranueshëm.

Sipas tij, i dyshuari kryesor për vrasjen e sotme ishte arrestuar vitin e kaluar nga Policia e Kosovës për fajde, por neglizhenca dhe tolerimi i sistemit të drejtësisë kanë sjellë situatën ku ndodhemi sot.

Sveçla tha se është momenti i fundit që institucionet e drejtësisë të reflektojnë dhe të mos tolerojnë asnjë kriminel apo veprimtari kriminale, duke shtuar se qytetarët duhet ta kenë shtetin garant të sigurisë dhe jo të ndihen të frikësuar.