Prishtinë, 3 nëntor 2026 19:02
Kryeministri i Kosovës, Albin Kurti, ka bërë të ditur se janë identifikuar edhe tre persona të zhdukur gjatë luftës së fundit në Kosovë, pas pranimit të raporteve të reja të analizave të ADN-së nga mbetjet mortore të zhvarrosura në Kalludër dhe Jabukë.
“Personat e identifikuar janë Adem (Fazli) Ademi, Fatmir (Bajram) Fazliu dhe Ali (Islam) Haliti, të cilët ishin pjesë e Grupit të Intelektualëve dhe njiheshin si veprimtarë të çështjes kombëtare” është shprehur Kurti.
Ai bëri të ditur se Komisioni Qeveritar për Persona të Zhdukur, në bashkëpunim me institucionet përkatëse, tashmë ka njoftuar familjet e tyre për identifikimin.
Kurti theksoi se tre intelektualët dhe veprimtarët ishin rrëmbyer në prillin e vitit 1999 nga forcat e armatosura serbe dhe më pas ishin zhdukur me dhunë.
Ai u shprehu ngushëllime familjeve, duke theksuar se zbardhja e fatit të personave të zhdukur me dhunë mbetet prioritet i Qeverisë së Kosovës.
Në reagimin e tij, Kurti kërkoi gjithashtu drejtësi për krimet e kryera gjatë luftës, duke akuzuar Serbinë se vazhdon t’i mohojë dhe t’i fshehë ato, përmes klasifikimit dhe mbylljes së dokumenteve e arkivave, si dhe glorifikimit të autorëve të gjenocidit.
Në anën tjetër, Komisioni Qeveritar për Persona të Zhdukur është duke vazhduar angazhimin në zbardhjen e fatit të të zhdukurve gjatë luftës.

Milan Radoiçiq është larguar drejt Rusisë
20 lokacione të hulumtuara në Kosovë, mbi 1 mijë e 500 të zhdukur nga lufta
Policia sekuestron dokumente të dyshuara të strukturave paralele serbe në Bërnjak
Gjenden mbetje mortore në fshatin Brod të Shtërpcës, pritet identifikimi përmes ADN-së
Radulloviqi përballet me akuzat për terrorizëm në Banjskë, ndërpritet seanca
Krimet e luftës në Gjilan, dëshmitari: Gjurmët e plumbave ende janë të dukshme
Kosova forcon bashkëpunimin juridik me Suedinë dhe Belgjikën