Prizren, 4 gusht 2025
Koloneli Nexhmi Krasniqi, Drejtor i Policisë Kufitare për Rajonin e Prizrenit, është arrestuar gjatë një operacioni të zhvilluar nga Inspektorati Policor i Kosovës (IPK), në bashkëpunim me Prokurorinë Themelore të Prizrenit.
Lajmin e ka konfirmuar për Gazetën Insajderi kryeprokurori i Prokurorisë në Prizren, Petrit Kryeziu, duke theksuar se arrestimi është rezultat i një hetimi disa mujor.
Sipas komunikatës së IPK-së, aksioni ka përfshirë bastisjen e katër lokacioneve dhe ka rezultuar me arrestimin e katër personave të dyshuar, përfshirë edhe zyrtarin e lartë policor me gradën kolonel.
Të dyshuarit akuzohen për përfshirje në veprat penale të detyrimit dhe shmangies nga tatimi, të sanksionuara me Kodin Penal të Republikës së Kosovës. Mediat raportojnë se Krasniqi është kapur në flagrancë duke pranuar shumën prej 30 mijë eurosh.
Hetimet janë ende në zhvillim, ndërsa IPK ka rekomanduar suspendimin e përkohshëm të kolonelit si pjesë e procedurës administrative.
IPK ka ritheksuar përkushtimin për luftimin e çdo forme të krimit, përfshirë atë të kryer nga zyrtarët publikë, dhe nevojën për bashkëpunim ndërinstitucional në funksion të sundimit të ligjit.
“Prishtina 2026” promovon produktet vendore dhe hap mundësi të reja për bizneset 
Studentët revoltohen me Specialen, marshojnë në protestë, mbështesin katërshen e UÇK-së 
Gjykimi për krime lufte nuk nis për shkak të mungesës së avokatit 
Ramadan Morina sërish deklarohet i pafajshëm lidhur me akuzën për pjesëmarrje në vrasjen e 34 civilëve shqiptarë në Burim të Malishevës 
Ngrihet aktakuzë për keqpërdorim e mashtrim në prokurimin publik dhe falsifikim të dokumentit 
Procedurat e Apelit që duhen ndjekur mbrojtjet e ish-krerët e UÇK-së 
FSK zhvillon qitje me mortaja në Shqipëri, thellohet bashkëpunimi me Forcat e Armatosura