Shumë përfaqësues serb nga veriu janë thirrur si të pandehur për shkak të barrikadave gjatë vitit 2021

Prishtinë, 24 shtator 2026 20:31

Një grup përfaqësuesish politikë dhe institucionalë aktualë dhe disa serbë tjerë nga veriu i Kosovës morën ftesa nga Zyra e Prokurorit Special të Kosovës për t’u dëgjuar si të pandehur.

Ftesat i referohen ngjarjeve që lidhen me barrikadat në veri të Kosovës gjatë vitit 2021, por për momentin nuk dihet saktësisht se për cilat bllokada nga ai vit, as për cilat vepra specifike penale akuzohen të ftuarit.

Midis të ftuarve, sipas burimeve, janë të paktën një deputet aktual i Listës Serbe, dy kryetarë aktualë të komunave nga veriu, dy përfaqësues të strukturave paralele, njëri prej të cilëve më parë ishte kryetar komune në sistemin e Kosovës, si dhe të paktën dy serbë të tjerë.