Preshevë, 1 shtator 2026 14:42
Deputeti shqiptar në Kuvendin e Serbisë, Shaip Kamberi, ka kritikuar politikën e Beogradit ndaj shqiptarëve në Luginën e Preshevës, duke e cilësuar atë si diskriminim institucional që po ngushton hapësirën për një jetë normale.
Në një prononcim për Veritasinfo, Kamberi ka thënë se përmes masave administrative dhe politike, shqiptarët po përballen me një sërë pengesash, përfshirë pasivizimin e adresave, mosnjohjen e diplomave, nënpërfaqësimin institucional dhe, së fundmi, edhe pengesat që prekin fëmijët e shkollave fillore.
Sipas tij, këto praktika ndikojnë drejtpërdrejt në largimin e njerëzve nga Lugina e Preshevës.
“Është pjesë e politikës së diskriminimit institucional që Serbia po e bën ndaj shqiptarëve”, ka deklaruar Kamberi, duke shtuar se këto metoda administrative mund të konsiderohen si forma të “pastrimit etnik”.
Ai ka kritikuar veçanërisht bllokimin e mjeteve të dedikuara për shqiptarët, duke theksuar se kjo po bëhet pa një vendim konkret institucional, por, sipas tij, përmes një “diktati politik”.
Kamberi ka vlerësuar se vazhdimi i këtyre politikave e vështirëson edhe më shumë jetën e shqiptarëve në Luginën e Preshevës dhe nxit migrimin e tyre.
Kamberi: Diskriminimi ndaj shqiptarëve po prek edhe Policinë në Luginën e Preshevës 
Vuçiq kandidat për kryeministër, protesta në Nish kundër regjimit të tij 
Ischinger: Kos me të drejtë anuloi vizitën në Beograd, çfarë akti i neveritshëm të nderosh një vrasës masiv 
Serbia nderon Mlladiqit, reagon Kurti: Vështirë të flitet me atë shoqëri për përballje me të kaluarën 
Kurti: Memorandumi i SANU-së dhe elitat serbe duhen studiuar me saktësi 
Dehari thërret vazhdimin e seancës konstitutive më 9 shtator 
Kurti në përvjetorin e vdekjes së Shën Nënës Tereza: Ajo u shndërrua në urë jo në mur 
Gazetari Ermal Panduri denoncon në Polici dyshimet për përndjekje, thotë se mund të ketë lidhje me BIA-n