Prishtinë, 19 gusht 2026 07:04
Kontrata për eksportimin e thëngjillit nga Kosova në Maqedoninë e Veriut pritet t’i sjellë Korporatës Energjetike të Kosovës deri në 73.2 milionë euro të hyra shtesë gjatë tre viteve të ardhshme.
Sipas ministres në detyrë të Ekonomisë, Artane Rizvanolli, marrëveshja paraqet përfitim të drejtpërdrejtë për KEK-un dhe shtetin e Kosovës, pa ndikuar në prodhimin vendor të energjisë elektrike apo në furnizimin me thëngjill.
Një tjetër përfitim lidhet me rritjen e ndjeshme të çmimit të shitjes së thëngjillit. Sipas Rizvanollit, KEK-u tash e shet thëngjillin me 24.4 euro për ton, krahasuar me rreth 8 euro për ton në kontratat e mëhershme, duke rritur ndjeshëm të hyrat e ndërmarrjes publike.
Marrëveshja gjithashtu eliminon kostot e eksportit për KEK-un, pasi kompania publike maqedonase ESM do të kryejë vetë eskavimin, logjistikën dhe transportin e thëngjillit.
Sipas të dhënave të prezantuara nga Rizvanolli, përfitimi kryesor i marrëveshjes është që të ardhurat nga shitja e burimeve natyrore të Kosovës të arkëtohen nga KEK-u dhe shteti, në vend që një pjesë e vlerës së thëngjillit të realizohej përmes ndërmjetësuesve privatë.
Në këtë mënyrë, eksporti i thëngjillit krijon të hyra shtesë për ndërmarrjen publike dhe buxhetin e Kosovës, ndërsa shfrytëzon rezervat e disponueshme të thëngjillit që, sipas ministres, janë të mjaftueshme për të mos cenuar prodhimin vendor të energjisë.

Kamberi kërkon nga qeveria e re e Serbisë njohjen e diplomave të Kosovës
Kosova kalon në pagesa të shpejta, paratë do të transferohen 24/7
Nis rrënimi i gjashtë objekteve pa leje në zonën e Liqenit të Ujmanit
Kurti: Strukturat paralele në veri janë shkatërruar, 29 rrugë ilegale janë mbyllur
Miratohet në parim Projektbuxheti për vitin 2027
4.27 miliardë euro buxhet për 2027, paga e 13-të dhe 908 milionë euro për komunat
Rusia rrit tensionet me NATO-n, Aleanca mblidhet pas incidentit në Poloni
Ballkani mposht Gjilanin me përmbysje
Vdekje në vendin e punës në Istog, Prokuroria nis hetimet
Sveçla: Fabrika e municionit, dëshmi e partneritetit strategjik Kosovë–Turqi