Prishtinë, 17 gusht 2026 11:10
Kryeministri në detyrë, Albin Kurti, ka deklaruar se synimi i Qeverisë është transformimi i ekonomisë së Kosovës përmes forcimit të prodhimit vendor, rritjes së eksporteve dhe krijimit të kushteve më të mira për investime.
Duke folur për Parkun Industrial në Livadicë të Podujevës, Kurti tha se parqet industriale synojnë t’u krijojnë bizneseve vendore mundësi për zgjerimin e kapaciteteve dhe rritjen e prodhimit.
“Synimi ynë si qeveri është ta transformojmë ekonominë e Kosovës, ta forcojmë prodhimin vendor dhe të krijojmë sa më shumë produkte në lloje dhe në numër Made in Kosova”, deklaroi Kurti.
Ai theksoi se objektivi nuk është vetëm zëvendësimi i importeve, por edhe rritja e eksporteve të produkteve kosovare në tregjet evropiane dhe ndërkombëtare.
Sipas Kurtit, parqet industriale janë të destinuara edhe për qytetarët nga diaspora që duan të investojnë kapitalin dhe përvojën e tyre në vendlindje, si dhe për investitorët e huaj që shohin mundësi për të zhvendosur një pjesë të prodhimit të tyre në Kosovë.
“Kosova ofron një sërë përparësish për investitorët”, tha ai, duke shtuar se synimi është që Parku Industrial në Livadicë të shndërrohet në një hapësirë të rëndësishme për zhvillimin dhe zgjerimin e bizneseve.
Kurti veçoi edhe potencialin e investimeve të diasporës dhe kapitalit të huaj si pjesë të përpjekjeve për zhvillimin ekonomik dhe rritjen e kapaciteteve prodhuese në Kosovë.

Kamberi kërkon nga qeveria e re e Serbisë njohjen e diplomave të Kosovës
Kosova kalon në pagesa të shpejta, paratë do të transferohen 24/7
Nis rrënimi i gjashtë objekteve pa leje në zonën e Liqenit të Ujmanit
Kurti: Strukturat paralele në veri janë shkatërruar, 29 rrugë ilegale janë mbyllur
Miratohet në parim Projektbuxheti për vitin 2027
4.27 miliardë euro buxhet për 2027, paga e 13-të dhe 908 milionë euro për komunat
Rusia rrit tensionet me NATO-n, Aleanca mblidhet pas incidentit në Poloni
Ballkani mposht Gjilanin me përmbysje
Vdekje në vendin e punës në Istog, Prokuroria nis hetimet
Sveçla: Fabrika e municionit, dëshmi e partneritetit strategjik Kosovë–Turqi