Prishtinë, 12 gusht 2026 18:57
Prokuroria Speciale e Kosovës ka ngritur aktakuzë ndaj S.S. për veprën penale “Krime lufte kundër popullsisë civile”, lidhur me ngjarjet e 6 prillit 1999 në fshatin Reznik të Vushtrrisë.
Sipas aktakuzës, S.S., në bashkëpunim me pjesëtarë të tjerë të forcave serbe dhe me S.T., i cili tashmë është dënuar nga Gjykata Themelore në Prishtinë, dyshohet se ka marrë pjesë në vrasjen e nëntë civilëve shqiptarë.
Prokuroria pretendon se disa nga viktimat janë djegur për së gjalli, ndërsa disa të tjera janë djegur pasi paraprakisht ishin vrarë.
Në aktakuzë thuhet gjithashtu se S.S., së bashku me persona të armatosur, dyshohet se ka hyrë në shtëpitë e familjeve shqiptare, ku ato janë plaçkitur dhe më pas u është vënë zjarri.
Pas përfundimit të hetimeve, rasti i është dorëzuar për shqyrtim Gjykatës Themelore në Prishtinë.
Sipas Prokurorisë Speciale, i pandehuri S.S. aktualisht ndodhet në paraburgim./teve1.info/
Raskoviq dyshohet se u rrah nga strukturat ilegale serbe 
Policia e Kosovës: Nuk ka informacion për përdorim force ndaj qytetarit serb, rastin e heton Inspektorati Policor 
Gërmimet në Zubin Potok, shpresa për zbardhjen e fatit të 23 të zhdukurve 
Kurti: Të rinjtë duhet të jenë në qendër të politikave dhe vendimmarrjes 
Krahas për 107 vrasje, 20 serbë akuzohen edhe për plaçkitje e dëbim gjatë luftës në Kosovë 
4.1 milionë euro për rehabilitimin e skarpateve në autostradën “Ibrahim Rugova” 
PSG – Aston Villa, finalja e Superkupës së Evropës 
SHBA dhe Irani pajtohen të zgjasin armëpushimin 60-ditor