Islami: Serbia po përdor arrestimet për të barazuar viktimën me kriminelin

Prishtinë, 2 gusht 2026 18:21

Profesori i shkencave të sigurisë, Avni Islami, ka reaguar pas arrestimit të një të dyshuari për krime lufte në fshatin Kalludër të Zubin Potokut dhe arrestimit të një mërgimtari shqiptar në pikën kufitare Horgosh, në kufirin ndërmjet Hungarisë dhe Serbisë.

Sipas Islamit, Serbia vazhdon të dëshmojë se nuk respekton normat e së drejtës ndërkombëtare, madje as legjislacionin e saj. Ai e cilësoi arrestimin e mërgimtarit shqiptar si një kundërpërgjigje të pritshme ndaj veprimeve të institucioneve të Kosovës.

Profesori i shkencave të sigurisë tha se kjo është pjesë e një strategjie politike që synon të krijojë barazim mes viktimës dhe kriminelit. Ai përmendi edhe arrestimin e një serbi të Kosovës nën dyshimet për spiunazh, me pretendimin se kishte zbuluar vendndodhjen e vrasjes së intelektualëve të Mitrovicës.

Sipas Islamit, këto veprime tregojnë se, siç u shpreh ai, “trashëgimtarët e politikës së Millosheviqit mbeten të pamëshirshëm ndaj kujtdo që devijon nga linja e tyre zyrtare, duke mos kursyer as pjesëtarët e komunitetit të tyre që refuzojnë t’u binden këtyre politikave.