Konunat e udhëhequra nga Lista Serbe në errësirë informative, pa transparencë dhe pa informim publik me muaj të tërë

Prishtinë, 15 korrik 2026 07:58

Mungesa e transparencës dhe e informimit publik vazhdon të jetë një nga problemet kryesore në katër komunat veriore të Kosovës – Mitrovicë e Veriut, Leposaviq, Zubin Potok dhe Zveçan – të cilat aktualisht udhëhiqen nga kryetarë të zgjedhur nga Lista Serbe.

Një vëzhgim i faqeve zyrtare të këtyre komunave tregon se qytetarët kanë shumë pak qasje në informata për punën e institucioneve lokale.

Informata e fundit e bërë publike në web faqen e Komunës së Mitrovicës së Veriut, është ajo e muajit mars. Që nga ajo kohë, nuk ka përditësim në faqen e kësaj komune në internet.

Edhe në komunat e Leposaviqit, Zubin Potokut dhe Zveçanit mungojnë publikimet e rregullta për aktivitetet institucionale, duke e bërë të vështirë për qytetarët të informohen mbi vendimet që ndikojnë drejtpërdrejt në jetën e tyre të përditshme.

Transparenca është një detyrim ligjor për institucionet publike dhe një element kyç për ndërtimin e besimit të qytetarëve. Publikimi i rregullt i vendimeve, njoftimeve, buxheteve, projekteve dhe aktiviteteve komunale nuk është vetëm praktikë e mirë e qeverisjes, por edhe e drejtë e qytetarëve për t’u informuar