Prishtinë, 15 korrik 2026 07:45
Kryeministri i Shqipërisë, Edi Rama, deklaroi në një intervistë për “Euronews Serbia” se Serbia mban përgjegjësinë kryesore për situatën e krijuar në dialogun me Kosovën, pasi, sipas tij, nuk është e gatshme ta pranojë realitetin se “nuk ekziston më diçka që quhet Kosova dhe Metohia, por vetëm Republika e Kosovës”.
“Serbia është më përgjegjësja për situatën që kemi në dialog, sepse nuk është e gatshme ta pranojë realitetin, ndërsa realiteti ka ndryshuar. Nuk ekziston më diçka që quhet Kosova dhe Metohia, ekziston Republika e Kosovës”, tha Rama.
I pyetur për faktin se pesë vende të Bashkimit Evropian ende nuk e njohin pavarësinë e Kosovës, kryeministri shqiptar u përgjigj se pesë nga 27 shtete përbëjnë një numër të vogël dhe tregojnë se shumica dërrmuese e ka pranuar realitetin.
“Këtu nuk bëhet fjalë për dobësi, por për pranimin e faktit se realiteti ka ndryshuar. Ashtu si të gjithë popujt e tjerë të ish-Jugosllavisë gjetën rrugën e tyre dhe u bënë të pavarur, edhe shqiptarët kishin të drejtën për vetëvendosje. Natyrisht, kjo duhet të shoqërohet me bashkëpunim të mirë dhe marrëdhënie harmonike me pakicat. Sot shqiptarët nuk janë më pakicë në Serbi, ndërsa serbët janë pakicë në Kosovë”, tha Rama në këtë intervistë.
BE për qëndrimin e Serbisë ndaj Mladiqit: Glorifikimi i kriminelëve të luftës në kundërshtim me vlerat evropiane 
Kongresmeni republikan Wilson: Serbia nën Vuçiqin po kërcënon stabilitetin e rajonit 
Kryeministri britanik: Mbesim mbështetës të fortë të aspiratave euro-atlantike të Kosovës 
Kurti: Diskutimet do të vazhdojnë, për herë të parë kemi folur pë emra të përveçëm 
Kurti nga RMV: Një hap i ri drejt lidhjes Kosovë-Maqedoni e Veriut 
Kamberi kritikon Vuçiqin për gjuhën antishqiptare: “A është fyerja ndaj shqiptarëve parakusht për punësim në BIA?” 
Sot mbahet provimi i Maturës 
U godit nga vetura, vdes këmbësori në Llabjan të Novobërdës 
Kufizohet qarkullimi i kamionëve mbi 20 tonë për shkak të temperaturave