Prishtinë, 14 korrik 2026 11:
Inspektorati Qendror i Punës ka reaguar lidhur me rastin tragjik të ndodhur në Prizren, duke sqaruar se viktima nuk ka qenë punëtor dhe se ngjarja nuk ka ndodhur në kuadër të një marrëdhënieje pune.
Sipas njoftimit të IQP-së, pas njoftimit nga Policia e Kosovës, inspektorët kanë dalë në vendin e ngjarjes mbrëmjen e së dielës, rreth orës 19:00, së bashku me zyrtarët policorë, për të kryer verifikimet e nevojshme, shkruan VeritasInfo.
Nga të dhënat fillestare rezulton se aksidenti ka ndodhur në një shtëpi private, ku po zhvilloheshin punime për renovimin e kulmit. Sipas Inspektoratit, viktima nuk ishte e angazhuar në kryerjen e punimeve, por ishte vëllai i pronarit të shtëpisë.
Inspektorati bën të ditur se gjatë verifikimeve është konstatuar se nuk ka ekzistuar marrëdhënie kontraktuale ndërmjet investitorit dhe punëkryesit, si dhe nuk ka pasur marrëdhënie pune, sipas përcaktimeve të legjislacionit në fuqi.
Fetoshi: Glorifikimi i Mlladiqit nga Serbia dëshmon vazhdimësinë e politikës së Millosheviqit 
Hoti: Në Serbi kriminelët e luftës vazhdojnë të glorifikohen 
Nënshkruhet “Arsimi 2035+”, nis hartimi i strategjisë së re 10-vjeçare 
Përfundon gërmimi në Kalludër dhe Jabukë, mbetjet mortore dërgohen për ADN në Hagë 
Familjarët e personave të zhdukur vizitojnë lokacionin e varrit masiv në Zubin Potok 
Konjufca shpallet i pafajshëm për hedhjen e gazit lotsjellës në Kuvend