Prishtinë 11 korrik 2026 14:15
Ministrja në detyrë e Mjedisit dhe Planifikimit Hapësinor, Fitore Pacolli, ka bërë thirrje për kujdes maksimal ndaj rrezikut të zjarreve në pyje dhe hamullore gjatë sezonit veror.
Përmes një postimi në rrjetet sociale, Pacolli theksoi se parandalimi i zjarreve është përgjegjësi e përbashkët dhe u bëri apel qytetarëve të kontribuojnë në mbrojtjen e mjedisit.
Ajo theksoi se temperaturat e larta dhe tharja e bimësisë rrisin rrezikun e zjarreve, të cilat dëmtojnë pyjet, biodiversitetin, tokën dhe cilësinë e ajrit, ndërsa djegia e hamulloreve shkatërron pjellorinë e tokës dhe cenon ekuilibrin natyror.
Ministrja u bëri thirrje qytetarëve të mos djegin hamullore dhe mbetje bujqësore, të mos ndezin zjarre në natyrë, të mos hedhin cigare në pyje apo ambiente të hapura dhe të raportojnë menjëherë çdo vatër zjarri.
“Të mbrojmë pyjet, tokën dhe natyrën tonë. Çdo veprim i vogël ndihmon mjedisin”, ka shkruar Pacolli.
3.1 milionë euro për projektin infrastrukturor që lidh rrugën rajnole Prekoc-Marec-Krilevë 
Punimet në rrugën Prizren–Tetovë avancojnë, projekti synon të afrojë Kosovën dhe Maqedoninë e Veriut 
Serbia kthen mbrapsht ndihmat për shqiptarët e Luginës 
Kurti përcjell korrje-shirjet në Podujevë 
Kurti: Gjenocidi në Srebrenicë është e vërtetë historike, juridike dhe njerëzore 
Kosova siguron 44 milionë euro nga BE për projekte mjedisore dhe klimatike 
Artisti Liburn Jupolli me vepër artistike në nderim të viktimave të masakrave në Kosovë 
Pacolli: Të mbrojmë natyrën nga zjarret