Prishtinë, 9 korrik 2026 14:55
Zëvendëskryeministri i Parë dhe ministri në detyrë i Punëve të Jashtme dhe Diasporës, Glauk Konjufca, ka pritur në takim zëvendësministrin e Punëve të Jashtme dhe Bashkëpunimit Ndërkombëtar të Italisë, Edmondo Cirielli. Gjatë takimit u diskutua për avancimin e marrëdhënieve dypalëshe, rrugën euroatlantike të Kosovës dhe zhvillimet e fundit politike në vend.
Sipas njoftimit, bashkëbiseduesit trajtuan procesin e integrimit të Kosovës në Bashkimin Evropian, aspiratat për anëtarësim në NATO, si dhe procesin e formimit të qeverisë së re.
Në fokus të takimit ishte edhe bashkëpunimi ekonomik ndërmjet Kosovës dhe Italisë. Të dy palët theksuan nevojën për rritjen e shkëmbimeve tregtare, forcimin e bashkëpunimit ekonomik dhe realizimin e projekteve të përbashkëta që do të thellonin partneritetin mes dy vendeve.
Konjufca shprehu mirënjohjen për mbështetjen e vazhdueshme që Italia i ka dhënë Kosovës në procesin e shtetndërtimit, duke e cilësuar atë si një nga partnerët më të rëndësishëm ndërkombëtarë të vendit.
Takimi u zhvillua në një atmosferë miqësore dhe konstruktive, me të dyja palët që shprehën gatishmëri për të thelluar bashkëpunimin në fusha të ndryshme me interes të përbashkët.
Sveçla për vdekjen e policit Altin Kryeziu: Humbëm një pjesëtar shembullor të Policisë së Kosovës 
Rritet numri i të huajve që qëndrojnë në Kosovë për të punuar 
Kurti: Absurde që ura mbi Ibër të jetë e mbyllur, po koordinohemi me KFOR-in 
KEK-u paralajmëron Task-Forcë për sigurinë në punë pas vdekjeve të punëtorëve 
Aktakuzë për spiunazh ndaj pilotit kroat dhe partneres së tij serbe, spiunuan për situatën në veri 
Njohësit e sigurisë: Narrativat serbo-ruse synojnë të frikësojnë serbët e Kosovës 
Gazetari kroat publikon dosjen sekrete të ish-shefit të shërbimit sekret boshnjak mbi rolin e Vuçiqit në “Sarajevo Safari” 
Pas pamjeve të dhunës ndaj të miturës, Policia e Kosovës arreston të dyshuarën