Prishtinë, 9 korrik 2026 10:48
Kosova po avancon me zbatimin e marrëveshjes 10-vjeçare me Danimarkën për transferimin e të burgosurve, nga e cila pritet të përfitojë mbi 200 milionë euro. Si pjesë e këtij procesi, ka nisur mbyllja graduale e Qendrës së Paraburgimit në Gjilan, objekt që do të vihet në dispozicion për ekzekutimin e dënimeve të shqiptuara nga autoritetet daneze.
Sipas një njoftimi të Odës së Avokatëve të Kosovës, Shërbimi Korrektues i Kosovës e ka informuar zyrtarisht se tashmë ka filluar procesi i transferimit gradual të personave të privuar nga liria nga Qendra e Paraburgimit në Gjilan drejt institucioneve të tjera korrektuese.
Në njoftim thuhet se ky proces do të zhvillohet në disa faza, në përputhje me vlerësimet e sigurisë, kapacitetet akomoduese dhe nevojat operative të Shërbimit Korrektues të Kosovës.
Oda e Avokatëve bëri të ditur se njoftimi është publikuar për të informuar me kohë komunitetin e avokatëve dhe për të lehtësuar komunikimin me klientët gjatë periudhës së tranzicionit.
Kosova dhe Danimarka e nënshkruan marrëveshjen në vitin 2022. Ajo parasheh që Danimarka të marrë me qira 300 qeli në Gjilan për vendosjen e të burgosurve të dënuar në atë shtet, ndërsa Kosova do të përfitojë mbi 200 milionë euro.
Sipas kushteve të marrëveshjes, në Kosovë nuk do të transferohen persona të dënuar për krime të rënda me dënime mbi 10 vjet dhe as të burgosur me probleme të shëndetit mendor.
<span;>Megjithatë, zbatimi i kësaj marrëveshjeje është shoqëruar edhe me kundërshtime në Danimarkë, ku për një periudhë ishte pezulluar për shkak të pretendimeve për shkelje të të drejtave të njeriut.

Kamberi kërkon nga qeveria e re e Serbisë njohjen e diplomave të Kosovës
Kosova kalon në pagesa të shpejta, paratë do të transferohen 24/7
Nis rrënimi i gjashtë objekteve pa leje në zonën e Liqenit të Ujmanit
Kurti: Strukturat paralele në veri janë shkatërruar, 29 rrugë ilegale janë mbyllur
Miratohet në parim Projektbuxheti për vitin 2027
4.27 miliardë euro buxhet për 2027, paga e 13-të dhe 908 milionë euro për komunat
Rusia rrit tensionet me NATO-n, Aleanca mblidhet pas incidentit në Poloni
Ballkani mposht Gjilanin me përmbysje
Vdekje në vendin e punës në Istog, Prokuroria nis hetimet
Sveçla: Fabrika e municionit, dëshmi e partneritetit strategjik Kosovë–Turqi