Prishtinë, 9 korrik 2026 09:25
Punimet në rrugën Junik–Gjeravicë po i afrohen përfundimit, në kuadër të një investimi prej mbi 4.8 milionë eurosh të financuar nga Ministria e Infrastrukturës dhe Transportit. Projekti po realizohet në bazë të Memorandumit të Bashkëpunimit ndërmjet ministrisë dhe Komunës së Junikut.
Sipas ministrit të Infrastrukturës dhe Transportit, Dimal Basha, gjatë zbatimit të projektit janë paraqitur disa çështje pronësore, të cilat tashmë janë zgjidhur, duke i hapur rrugë vazhdimit normal të punimeve deri në finalizimin e tyre.
Rruga, me gjatësi prej 18 kilometrash, do të mundësojë qasje më të shpejtë dhe më të sigurt drejt Gjeravicës, majës më të lartë të Kosovës. Sipas ministrit, investimi pritet të përmirësojë lidhjen me një nga destinacionet kryesore malore të vendit, duke nxitur zhvillimin e turizmit, ekonomisë lokale dhe krijimin e mundësive të reja për banorët e zonës.
Basha theksoi se Qeveria po i jep prioritet investimeve në infrastrukturën e zonave malore, duke vlerësuar se projekte të tilla ndikojnë në përmirësimin e qasjes, lidhjen e komuniteteve dhe zhvillimin ekonomik të rajoneve turistike.
Sveçla për vdekjen e policit Altin Kryeziu: Humbëm një pjesëtar shembullor të Policisë së Kosovës 
Rritet numri i të huajve që qëndrojnë në Kosovë për të punuar 
Kurti: Absurde që ura mbi Ibër të jetë e mbyllur, po koordinohemi me KFOR-in 
KEK-u paralajmëron Task-Forcë për sigurinë në punë pas vdekjeve të punëtorëve 
Aktakuzë për spiunazh ndaj pilotit kroat dhe partneres së tij serbe, spiunuan për situatën në veri 
Njohësit e sigurisë: Narrativat serbo-ruse synojnë të frikësojnë serbët e Kosovës 
Gazetari kroat publikon dosjen sekrete të ish-shefit të shërbimit sekret boshnjak mbi rolin e Vuçiqit në “Sarajevo Safari” 
Pas pamjeve të dhunës ndaj të miturës, Policia e Kosovës arreston të dyshuarën