Arbitraritet dhe torturë e re e Listës Serbe në Kllokot – Kundërshtarëve të Listës Serbe u ndalen pagat

Kllokot, 05 Korrik 2026 15:02

Për shkak të arrogancës së Listës Serbe, disa punonjës të arsimit nga Kllokoti u detyruan të paraqisnin ankesë për paga të papaguara për shkak të, siç pretendojnë vetë, pikëpamjeve politike që janë në kundërshtim me politikën e udhëhequr nga Lista Serbe.

Portali “Veritasinfo” transmeton deklaratën e tyre të paraqitur si ankesë:

“Arroganca dhe arbitrariteti i Kryetarit të Komunës së Kllokotit, Bozhidar Dejanoviq, dhe Drejtorit të Departamentit të Arsimit, Aca Nikoliq, vazhdojnë të ndikojnë tek punonjësit në territorin e Komunës së Kllokotit. Punëtorëve të shkollës “Ivan Brankoviq”, Zhivojin Mitroviq dhe Aleksandar Stojiljkoviq nuk iu dha paga për muajin qershor, ndërsa paga e punonjëses së së njëjtës shkollë, Ljiljana Stojkoviq, u ndalua për muajt janar dhe shkurt dhe më pas u ul me 150 euro pa asnjë shpjegim. Çdo ditë ne paraqiteshim rregullisht në punë dhe kryenim detyrat tona të punës. Prandaj pyesim nëse ata kanë pak ndërgjegje ndaj fëmijëve tanë të mitur, e në anën tjetër ata vetë marrin paga të dyfishta, si dhe gratë, djemtë dhe nuset e tyre! U kërkojmë të gjitha institucioneve kompetente të marrin masa kundër udhëheqësve arrogantë të komunës sonë”, thuhet në ankesën e punëtorëve arsimor Kllokot.