Ambasada italiane në Prishtinë: Kartat e identitetit në letër nuk do të vlejnë pas 3 gushtit 2026

Prishtinë, 5 korrik 2026 11:55

Ambasada e Italisë në Prishtinë ka njoftuar qytetarët italianë se kartat italiane të identitetit në letër (CIC) nuk do të jenë të vlefshme nga 3 gushti 2026, pavarësisht datës së skadimit të shënuar në dokument.

Ky ndryshim vjen në zbatim të Rregullores (BE) nr. 1157/2019, pasi kartat e identitetit në letër nuk i plotësojnë më standardet e sigurisë të përcaktuara nga legjislacioni i Bashkimit Evropian për dokumentet e identitetit dhe të udhëtimit.

“Ju lutemi vini re se, në përputhje me Rregulloren (BE) nr. 1157/2019, kartat italiane të identitetit në letër (CIC) do të pushojnë së qeni të vlefshme më 3 gusht 2026, pavarësisht nga data e skadimit të treguar në dokument, pasi ato nuk i plotësojnë më kërkesat e sigurisë të përcaktuara nga legjislacioni i Bashkimit Evropian për dokumentet e identitetit dhe të udhëtimit. Qytetarëve italianë që banojnë në këtë distrikt konsullor dhe që zotërojnë një kartë identiteti në letër u këshillohet që të kalojnë në Kartën Elektronike të Identitetit (CIE). Kjo Ambasadë e lëshon këtë kartë – edhe para skadimit të dokumentit në letër – vetëm me takim paraprak. Takimet duhet të rezervohen përmes platformës së dedikuar “Prenot@mi”, duke ndjekur udhëzimet në faqen e dedikuar të faqes sonë të internetit”, njofton Ambasada italiane në Prishtinë.