Prishtinë, 4 korrik 2026 18:30
Zyrtarët doganorë të Doganës së Kosovës, gjatë ushtrimit të kontrolleve të rregullta në Pikën e Kalimit Kufitar Jarinjë, kanë ndaluar për kontroll një autobus të linjës së rregullt ndërkombëtare.
Zyrtarët doganorë të Doganës së Kosovës, gjatë ushtrimit të kontrolleve të rregullta në Pikën e Kalimit Kufitar Jarinjë, kanë ndaluar për kontroll një autobus të linjës së rregullt ndërkombëtare.
Gjatë kontrollit të bagazheve të pasagjerëve është identifikuar një valixhe që përmbante një sasi të konsiderueshme barnash dhe produktesh farmaceutike, të cilat nuk ishin deklaruar pranë autoriteteve doganore dhe nuk shoqëroheshin me dokumentacionin përkatës.
Nga kontrolli janë evidentuar gjithsej 7,168 produkte farmaceutike, prej të cilave 7,100 ishin në formë kapsulash, ndërsa 68 produkte ishin në forma të tjera farmaceutike, përfshirë shurupe, sprej dhe xhel.
Meqenëse asnjëri nga pasagjerët nuk e ka pranuar pronësinë mbi bagazhin, në përputhje me dispozitat e Ligjit Nr. 08/L-247 – Kodi Doganor dhe i Akcizave, procedura kundërvajtëse është iniciuar ndaj kompanisë transportuese, si subjekt përgjegjës për transportin e mallrave dhe bagazheve në rastet kur nuk identifikohet pronari i tyre. Mallrat e padeklaruara janë ndaluar dhe janë ndërmarrë veprimet e mëtejshme procedurale sipas kompetencave të Doganës së Kosovës.
Kodi Doganor dhe i Akcizave përcakton detyrimin ligjor për deklarimin e çdo malli që i nënshtrohet kontrollit doganor, ndërsa mosdeklarimi ose tentimi për shmangie të procedurave doganore përbën shkelje doganore dhe i nënshtrohet masave administrative dhe kundërvajtëse të parapara me ligj.
Dogana e Kosovës deklaron se mbetet e përkushtuar në zbatimin e ligjit, mbrojtjen e interesave fiskale të Republikës së Kosovës, si dhe në parandalimin e hyrjes në vend të barnave dhe produkteve farmaceutike të padeklaruara ose me origjinë të padokumentuar, të cilat mund të paraqesin rrezik për shëndetin publik dhe sigurinë e qytetarëve.
KPK-ja largon Blerim Isufajn nga pozita e Kryeprokurorit 
Nis eksporti i parë drejt Zvicrës pas hyrjes në fuqi të Marrëveshjes Kosovë–EFTA 
Kosovë–Kroaci, marrëveshje bashkëpunimi për dokumentet e luftës 
Objekti i Qeverisë së Kosovës ndriçohet me flamurin e UÇK-së 
Dëshmitari thotë se mori kërcënime nga Sheholli 
1 tetori i protestave: Dikur rezistencë, sot thirrje për liri 
Ministri kroat i Mbrojtjes: Kemi përgjigje ndaj arsenalit ofensiv të Serbisë, Kosovën e kemi aleate 
FSK përgatit instruktorët për sfidat e luftës moderne 
Mujanoviq: Alarm për të gjithë Evropën, Putin po përsërit narrativin e Millosheviq për “Serbinë e Madhe”