Prishtinë, 4 korrik 2026 15:42
As pas daljes së dëshmive nëpër media se Milan Radoiçiq është i mbrojtur nga strukturat e lidhura me pushtetin në Serbi nuk ka pasur reagime konkrete nga ana e Bashkimit Evropian.
Nga Komisioni Evropian nuk janë përgjigjur në mënyrë të drejtpërdrejtë në pyetjet rreth njoftimeve më të reja për Radoiçiqin, përgjegjësin kryesor për sulmin në Banjskë në vjeshtën e vitit 2023, i cili edhe nga përfaqësuesi i Lartë i BE-së u quajt sulm terrorist.
Nuk iu referuan as pyetjeve lidhur me deklaratat e presidentit të Serbisë, Aleksandar Vuçiq, se ai nuk e konsideron Radoiçiqin kriminel.
Krejt çka thanë nga BE-ja, përmes një përgjigjeje me shkrim nga zëdhënësi, është përsëritja e keqardhjes pse Serbia nuk ka bërë atë që duhet për t’i nxjerrë para drejtësisë përgjegjësit për sulmin në Banjskë.
“Siç është thënë qartë pas verdiktit në muajin prill në Kosovë për rastin Banjska, BE shpreh keqardhje pse Serbia akoma nuk ka ndërmarrë hapat e domosdoshëm për t’i sjellë para drejtësisë përgjegjësit për sulmet në veri të Kosovës në vitin 2023”, është thënë nga zëdhënësi i BE-së.
Radio Evropa e Lirë dhe N1 në Serbi kanë publikuar artikuj me fotografi ku shihen pjesëtarë të xhandarmërisë së Serbisë në shoqëri të Zvonko Veselinoviqit dhe që dyshohet se mbrojnë edhe Milan Radoiçiqin.
Abdixhiku: U dakorduam që të vijmë me emra konkretë në takimin e ardhshëm 
Kurti: Pashë vullnetin e LDK-së që vendit t’i sjellim një president të ri 
KE për hapjen e urës mbi Ibër: Presim konsultime dhe koordinim 
Çështja e presidentit, Kurti dhe Abdixhiku takohen pasdite 
BE-ja konfirmon se janë përmbushur kushtet për hapjen e Urës së Ibrit 
Deputeti ukrainas kundër qëndrimit të Zelenskyt: Ukraina duhet ta njohë Kosovën 
Sukses në QKUK, mjekët largojnë tumorin 3.5 kilogramësh 
Një muaj paraburgim për të dyshuarin për sulm ndaj KFOR-it dhe Policisë së Kosovës