Prishtinë, 30 qershor 2026 17:08
Ekipi i Kërkim-Shpëtimit në ujëra i Forcës së Sigurisë së Kosovës do t’i bashkohet operacionit për gjetjen e personit të zhdukur në Liqenin e Batllavës.
Lajmin e ka konfirmuar Vëllazërim Qerimi nga FSK-ja i cili theksoi se, pas pranimit të informacionit nga Qendra e Situatave e Republikës së Kosovës, ekipi i kërkim-shpëtimit do të nisë operacionin për lokalizimin e personit të raportuar të zhdukur.
Qerimi poashtu bëri të ditur se operacioni do të zhvillohet në koordinim me institucionet e tjera të angazhuara në terren, të cilat tashmë kanë nisur kërkimet.
Sipas Policisë së Kosovës, rreth orës 13:00 është pranuar një informatë se një person ka hyrë në ujë dhe më pas nuk është parë të dalë.
Zëdhënësi i Policisë, Enis Pllana tha se menjëherë pas pranimit të njoftimit, policia ka angazhuar njësitë relevante, si dhe ekipet e kërkim-shpëtimit, për të bërë lokalizimin e personit.
Autoritetet kanë bërë të ditur se operacioni i kërkimit dhe shpëtimit është ende në zhvillim, ndërsa për rastin priten informacione të tjera në vazhdim.
Policia sekuestron armë, municion e uniforma ushtarake në dy lokacione në veri, arrestohet një person 
Vdiq një 19-vjeçar pas vetaksidentit në rrugën Suharekë – Prizren 
Aksident i rëndë në rrugën Landovicë-Gjonaj, humb jetën një motoçiklist 
Dyshohet për vetëvrasje në Marinë të Skenderajt 
Sekretari i Shoqatës së Gjuetisë “Drenica” theret në gjoks e këmbë në Skenderaj – dy të dyshuarit arratisen 
Dy serbë të ndaluar në Jarinjë, pesë thika dhe “simbole nacionaliste” të sekuestruara 
Identifikohen mbetjet mortore të dy personave në veri të Kosovës 
Gola në Strasburg: Nëse zbatohen rigorozisht standardet ndërkombëtare të drejtësisë, liderët e UÇK-së do të lirohen 
Gjykata lejon gjykimin në mungesë të 21 të akuzuarve për krime lufte 
Kuvendi miraton deklaratën për aktgjykimin e Speciales