Dyshohet për vrasje të rëndë në Gjilan, arrestohet 65-vjeçari

Gjilan, 1 nëntor 2026 15:25

Dy persona, një burrë i lindur në vitin 1999 dhe një foshnjë, janë gjetur pa shenja jete të dielën në një shtëpi në fshatin Demiraj të Gjilanit.

Policia e Kosovës njoftoi se rasti është raportuar rreth orës 08:47, pas pranimit të informacionit për dy trupa të pajetë.

Në vendin e ngjarjes kanë dalë njësitet policore, prokurori i Shtetit dhe ekipi emergjent mjekësor. Mjeku kujdestar ka konstatuar vdekjen e dy personave.

Sipas hetimeve fillestare, dyshohet se rasti ka ndodhur brenda familjes. Policia ka arrestuar babanë e viktimës, 65-vjeçar, i cili me vendim të prokurorit është ndaluar për 48 orë.

Rasti është cilësuar si “vrasje e rëndë”, ndërsa Policia dhe Prokuroria po ndërmarrin veprimet e nevojshme hetimore për zbardhjen e plotë të rrethanave.

Me urdhër të prokurorit, trupat e pajetë janë dërguar në Institutin e Mjekësisë Ligjore në Prishtinë për obduksion.