Prishtinë 19 Maj 2026 17:11
Prokuroria Themelore në Prishtinë, në bashkëpunim me Drejtorinë për Hetimin e Krimeve Ekonomike dhe Korrupsion të Policisë së Kosovës, njofton se duke vepruar sipas detyrës zyrtare dhe pas raportimeve në media lidhur me deklarimet e Ministrit z. Nenad Rashiq për kërcënimin e votuesve në komunën e Graçanicës, janë ndërmarrë menjëherë veprimet e nevojshme hetimore.
Me vendim të Prokurorit të Shtetit janë ndaluar pesë persona, shtetas të Republikës së Kosovës, të nacionalitetit serb, pasi që të njëjtit dyshohen për kryerjen e veprës penale ‘’Cenimi i përcaktimit të lirë të votuesve’’, nga neni 210 të Kodit Penal të Republikës së Kosovës.
Lidhur me këtë rast, janë siguruar deklarata dhe prova të mjaftueshme, mbi bazën e të cilave dyshohet se personat e ndaluar janë përfshirë në veprime të kundërligjshme që ndërlidhen me veprën e lartcekur.
Prokuroria Themelore në Prishtinë, në kuadër të kompetencave të saj ligjore, mbetet e përkushtuar në mbrojtjen e integritetit të procesit zgjedhor, garantimin e ushtrimit të lirë të së drejtës së votës dhe respektimin e rendit kushtetues ligjor në Republikën e Kosovës.
Rizvanolli e Karakaç diskutojnë projektin e termocentralit të Vlorës me gaz të lëngëzuar nga ShBA 
Reagimi diplomatik dhe qytetar jep rezultat, korrigjohet paraqitja e Kosovës në reklamën e Air Serbia 
Agjencia për Menaxhim të Monumenteve reagon pas dëmtimit në Kompleksin “Zahir Pajaziti” 
Kurti e komandanti i KFOR-it shqyrtojnë mundësitë për zgjerimin e bashkëpunimit 
Ministria e Infrastrukturës paralajmëron investime të reja në veri, planifikohet zgjerimi i rrugës Mitrovicë–Jarinjë 
27-vite nga vrasja e vëllezërve Bytyqi, kërkohet përgjegjësi për krimin 
Kuvendi duhet konstituuar deri më 7 gusht 
Haxhiu: Seanca konstituive do të thirret brenda afatit kushtetues