Prishtinë, 17 maj 2026 12:48
Më 19 maj 2026, në Prishtinë, nën patronatin e Qeverisë Kosovës, do të mbahet “Forumi i parë Agro-ushqimor Itali–Kosovë 2026”, një ngjarje e rëndësishme që do të mbledhë institucione, biznese dhe operatorë ekonomikë nga Italia dhe Kosova, me synim forcimin e bashkëpunimit tregtar në sektorin agro-ushqimor.
Forumi synon të krijojë marrëdhënie të strukturuara dhe afatgjata mes sistemit agro-ushqimor italian dhe tregut kosovar, duke ofruar një platformë për dialog dhe bashkëpunim konkret ndërmjet dy vendeve.
Kjo iniciativë vjen si rezultat i bashkëpunimit ndërmjet Ambasadës së Kosovës në Romë dhe Shoqatës Italiane të Kultivuesve (AIC), e cila është edhe organizatore kryesore e forumit dhe e angazhuar në promovimin e zinxhirëve bujqësorë dhe produkteve “Made in Italy” në tregjet ndërkombëtare. Në këtë projekt janë të përfshira edhe institucionet kosovare, duke e bërë bashkëpunimin një element strategjik për zhvillimin ekonomik.
Kontribut të veçantë në këtë forum do të japë edhe AICO, e cila do të trajtojë çështje që lidhen me mbrojtjen e konsumatorit, sigurinë ushqimore dhe informimin e saktë për produktet. Në bashkëpunim me Qeverinë e Kosovës dhe Doganën e Kosovës, do të diskutohen mekanizmat e kontrollit për produktet hyrëse dhe eksportet.
Në kuadër të forumit do të organizohen punëtori specifike mbi etiketimin, gjurmueshmërinë dhe përputhshmërinë me standardet rregullatore – elemente kyçe për eksportin e produkteve agro-ushqimore dhe ndërtimin e marrëdhënieve të qëndrueshme tregtare.
Në hapjen institucionale pritet të marrin pjesë kryeministri i Kosovës, Albin Kurti, ministrja e Industrisë, Ndërmarrësisë dhe Tregtisë, Mimoza Kusari-Lila, ministri i Bujqësisë, Armend Muja (pjesëmarrja për t’u konfirmuar), ambasadorja e Kosovës në Itali, Nita Shala, si dhe ambasadori italian në Kosovë, Maurizio Antonini (pjesëmarrja për t’u konfirmuar).
Po ashtu, pjesë e forumit do të jetë edhe Nicola Caputo, këshilltar për eksport dhe ndërkombëtarizim i zinxhirit agro-ushqimor pranë Ministrisë së Jashtme të Italisë, si dhe përfaqësues të AIC dhe ekspertë të ekonomisë e tregtisë ndërkombëtare.
16 shtatori, dita e shpalljes së aktgjykimit ndaj Thaçit, Veselit, Selimit dhe Krasniqit 
Kurti: Çdo emër në listën e viktimave përfaqëson një jetë të humbur, Serbia duhet të hapë arkivat për krimet e luftës 
Qeveria e Kosovës: Sulmet ndaj policëve të Kosovës inkurajohen nga vetë Vuçiqi 
Tre vjet ndalim hyrjeje në Kosovë dhe nga 700 euro gjobë për të ndaluarit në Gazimestan 
Hetim ndaj një shtetasi serb për nxitje të urrejtjes në Gazimestan 
Kurti: Paga minimale nuk ndryshoi për më shumë se 10 vjet, ne e trefishuam 
Vetëtima e mbyt një të ri në Suharekë 
Nëntë persona në pranga pas operacionit të përbashkët të Prokurorisë, Policisë, Doganës dhe ATK-së 
Stërvitja “Combat Power 26”, në Kroaci, FSK merr pjesë krah ushtrive aleate