Mynih, 14 shkurt 2026 21:00
Kryeministri Albin Kurti ua ka përsëritur disa senatorëve amerikanë kërkesat që ka Kosova në raport me Serbinë.
Ai ka thënë se Serbia duhet ta dorëzojë kryeterroristin Milan Radoiçiq që të përballet me drejtësinë në Kosovë për sulmin terrorist në Banjskë; që Serbia ta nënshkruajë Marrëveshjen Bazike; si dhe që të tërhiqet letra e ish-kryeministres Ana Bërnabiq me të cilën thoshte se nuk do të respektohet integriteti territorial i Kosovës.
Këto qëndrime ai i ka shprehur në një takim që ka pasur në margjina të Konferencës së Sigurisë në Munih me senatorët amerikanë Jeanne Shaheen, Chris Murphy, Thom Tillis dhe Ruben Gallego.
Sipas njoftimit nga Zyra e Kryeministrit, në këtë takim Kurti ka shprehur mirënjohjen ndaj SHBA-së si aleati kryesor i Kosovës.
“Progresi i Kosovës në aspektin demokratik dhe atë ekonomik u theksua përgjatë takimit. Kryeministri foli edhe rreth orientimit euro-atlantik dhe objektivit e angazhimit tonë të vazhdueshëm për anëtarësim në NATO dhe Bashkimin Evropian”, thuhet në njoftim.
Këto tri pika, Kurti ia pati theksuar edhe emisarit të Bashkimit Evropian për dialogun Kosovë-Serbi, Peter Sorensen, në mes të janarit, kur ai vizitoi Kosovën.
Lista Studentore distancohet nga Lista Serbe, reagon Von Cramon 
As serbët nga veriu i Kosovës nuk i dhanë mbështetje të plotë Aleksandar Vuçiçit 
Mustafi: Shqiptarët e Luginës arritën mbi 27 mijë vota, rekord që nga viti 2000 
Kuvendi mblidhet sot, në rend dite buxheti i vitit 2026 dhe Byroja për konfiskimin e pasurisë 
Kamberi i hapur për bashkëpunim me Listën Studentore, por kërkon zgjidhje konkrete për shqiptarët 
Memeti: Dy deputetë, mundësi më e madhe për përfaqësimin e shqiptarëve në Luginë 
Koeficienti i pagave pritet të rritet në 120 euro nga korriku i vitit 2027, paralajmëron Kurti 
Spajiç kërkon hetim parlamentar për ndikimin e mundshëm të Serbisë në mediat dhe bizneset e Malit të Zi 
Pantiqi merret në pyetje nga Prokuroria për rastin e Ukshin Hotit 
Dogana e Kosovës arkëton 186.6 milionë euro të hyra gjatë tetorit