Prishtinë, 12 shkurt 2026 17:43
Në mbledhjen e kryesisë së Kuvendit të Kosovës, kryetarja e zgjedhur e Kuvendit të Kosovës, Albulena Haxhiu ka deklaruar se seanca e parë e Kuvendit të Kosovës pritet të mbahet sot në ora 19:00.
Haxhiu ka thënë se në seancën e parë pritet të shqyrtohet kërkesa e Qeverisë për zgjatje buxhetore edhe për muajin mars, të bëhet votimi i marrëveshjeve ndërkombëtare, të cilat u votuan të enjten nga ekzekutivi, që gjithashtu mbajti mbledhjen e parë në mandatin e ri.
Tutje, ajo ka njoftuar se në këtë seancë pritet të jenë 16 komisione parlamentare, 4 komisione të përhershme dhe në anën tjetër 12 komisione funksionale me nga 11 anëtarë.
Derisa, kryeparlamentarja ka theksuar se Vetëvendosja do të kryesojë me nga 9 komisione parlamentare, PDK me 3 komisione, LDK me nga 2 komisione, Lista Serbe me 1 komision si dhe Grupi Multietnik me 1.
Ndërsa, për pjesën tjetër të mbledhjes së seancës plenare, kryekuvendarja tregoi që seanca do të lidhjet me një rezolutë, që ndërlidhet siç e ceku ajo me procesin e padrejtë që po zhvillohet në Hagë ndaj ish-krerëve të UÇK-së.
“Kuvendi i Kosovës pas miratimit në seancën e sotme të jashtëzakonshme që do të mbahet në orën 19:00 do t’i ketë 16 komisione parlamentare, 4 komisione të përhershme dhe në anën tjetër 12 komisione funksionale me nga 11 anëtarë. Vetëvendosje do të kryesojë 9 komisione parlamentare, PDK 3 komisione, LDK 2 komisione, Lista Serbe 1 komision dhe Grupi Multietnik do ta kryesojë një komision. Çështja tjetër do të lidhet me një rezolutë, që ndërlidhet me procesin e padrejtë që po zhvillohet në Hagë ndaj ish-krerëve të UÇK-së. Sipas diskutimeve në kryesinë e Kuvendi ka vullnet nga grupet parlamentare që kjo rezolutë ta marrë mbështetjen e Kuvendit të Republikës së Kosovës. Kur bëhet fjalë për luftën e drejtë të UÇK-së dhe raport me proceset e padrejta që po ndodhin në Hagë duhet të jenë të unifikuara, duhet të jemi bashkë”, ka deklaruar ajo për media pas mbledhjes së kryesisë së Kuvendit

Kosova forcon bashkëpunimin juridik me Suedinë dhe Belgjikën
Ligji për Specialen rikthehet sot në Kuvend, në ora 11:00 pritet të vendoset për votimin
Ndryshimi i pushtetit në Serbi kërcënon privilegjet e Listës Serbe, por jo domosdoshmerisht strukturat ilegale ne Kosovë
Kurti kërkon nga Macroni mbështetjen e Francës për statusin e kandidatit të Kosovës në BE
Trump nominon Mikhail Bogachekun për ambasador të SHBA-së në Kosovë
Pasuria e pajustifikueshme në verifikim, hyn në fuqi ligji për Byronë
Milan Radoiçiq është larguar drejt Rusisë
20 lokacione të hulumtuara në Kosovë, mbi 1 mijë e 500 të zhdukur nga lufta